Cambodia

សម្តេច​ក្រឡាហោម ស ខេងៈ ចាំបាច់​បំផុត ដែល​ខ្ញុំ​ត្រូវធ្វើ ច​ត្តា​ឡី​ស័ក រយៈពេល ១៤ ថ្ងៃ

ដោយ​៖ ទេព មង្គល / ភ្នំពេញៈ សម្តេច​ក្រឡាហោម ស ខេង ឧបនាយករដ្ឋមន្ត្រី និង​ជា​រដ្ឋមន្ត្រី​ក្រសួងមហាផ្ទៃ បាន​ប្រកាសជូន​ថ្នាក់ដឹកនាំ មន្ត្រីរាជការ​ស៊ីវិល និង​នគរបាលជាតិ នៃ​ក្រសួងមហាផ្ទៃ និង​ថ្នាក់ដឹកនាំ​រដ្ឋបាល ថ្នាក់ក្រោម​ជាតិ ព្រមទាំង​ជនរួមជាតិ​ទាំងឡាយ នៅ​ថ្ងៃទី​២៩ ខែវិច្ឆិកា ឆ្នាំ​២០២០ នេះ នូវ​អ្វីដែល​សម្តេច ចាំបាច់​បំផុត ត្រូវធ្វើ​ច​ត្តា​ឡី​ស័ក រយៈពេល ១៤ ថ្ងៃ តាម​វិធាន​របស់ ក្រសួងសុខាភិបាល​។ ទោះបីជា​យ៉ាងណា ក្នុងអំឡុង​ពេលនេះ សម្តេច​បានបញ្ជាក​ក់ថា នៅតែ​បន្ត​បំពេញភារកិច្ច ពិនិត្យ​សម្រេច លើ​សំណើរ និង​សំណូមពរ​នានា ពី​ថ្នាក់ដឹកនាំ​ក្រសួង និង​បងប្អូន​ជនរួមជាតិ ជាធម្មតា តាមរយៈ​គេហទំព័រ ហ្វេ​ស​ប៊ុ​ក​នេះ ពី​បន្ទប់​ដាច់ដោយឡែក នៅផ្ទះ​របស់​សម្តេច​។​

​តាមរយៈ​ទំព័រ​ហ្វេ​ស​ប៊ុ​ក​ផ្លូវការ របស់​សម្តេច​ក្រឡាហោម ស ខេង មាន​ខ្លឹមសារ​ទាំងស្រុង​ដូចខាងក្រោម​នេះ ៖

​បងប្អូន​ជនរួមជាតិ​ជាទីគោរព​ស្រលាញ់​ដ៏​ជ្រាលជ្រៅ​!
​ថ្នាក់ដឹកនាំ មន្ត្រីរាជការ​ស៊ីវិល និង​នគរបាលជាតិ នៃ​ក្រសួងមហាផ្ទៃ និង​ថ្នាក់ដឹកនាំ​រដ្ឋបាល ថ្នាក់ក្រោម​ជាតិ ជាទី​រាប់អាន​!
​ខ្ញុំ​សូម​ជម្រាបជូន​ថា ខ្ញុំ​ត្រូវបាន​ក្រុមគ្រូពេទ្យ យក​សំណាក ទៅធ្វើ​តេស្ត​រក​មេរោគ កូ​វីដ​១៩ ដោយសារតែ​កាលពី​ម៉ោង ៨ និង​៣០​នាទី ថ្ងៃទី​២៤ ខែវិច្ឆិកា កន្លងទៅ ខ្ញុំ​បាន​ដឹកនាំ​កិច្ចប្រជុំ អន្តរក្រសួង ពិភាក្សា​លើ​សេចក្ដីព្រាង ព្រះរាជក្រឹត្យ ស្ដីពី​ការបន្ធូរបន្ថយ​ទោស និង​លើកលែងទោស ដោយមាន​ការចូលរួម ពី​ថ្នាក់ដឹកនាំ និង​មន្ត្រី​នៃ​ក្រសួងមហាផ្ទៃ ក្រសួងយុត្តិធម៌ និង​ទីស្ដីការគណៈរដ្ឋមន្ត្រី ។​

​នៅក្នុង​កិច្ចប្រជុំ​អន្តរក្រសួង នា​ថ្ងៃនោះ ឯកឧត្តម ឆែម សាវុធ អគ្គនាយក នៃ​អគ្គនាយកដ្ឋាន​ព​ន្ធា​គារ ក្រសួងមហាផ្ទៃ ក៏បាន​ចូលរួម​ដែរ ដោយ​គាត់​បាន​ពាក់​ម៉ាស់ ឆ្លងកាត់​ការ​វាស់​កំដៅ និង​បាញ់​អាល់កុល សម្លាប់​មេរោគ ដូច​រូបខ្ញុំ ព្រមទាំង​អ្នក​ចូល​រួ ម​អង្គប្រជុំ​ផ្សេងទៀត​ដែរ​។ ប៉ុន្តែ​នៅក្នុង​អំឡុងពេល​ប្រជុំ​នោះ គាត់​បាន​បង្ហើប​ម៉ាស់ ចេញពី​មាត់​ចំនួន​១​ដង ដើម្បី​មានមតិ​ខ្លី​មួយ​។
​បន្ទាប់ពី​បញ្ចប់​កិច្ចប្រជុំ ខ្ញុំ​ក៏បាន​ដើរ​ចេញពី​បន្ទប់​ប្រជុំ ដោយ​ឆ្លងកាត់​ពីក្រោយ​ខ្នង ឯកឧត្តម ឆែម សាវុធ ហើយ​ពេល​នោះដែរ គាត់​ក៏បាន​ក្រោកឈរ និង​មានការ​ឆ្លើយឆ្លង​គ្នា ខ្លី​មួយ​ម៉ាត់​ពីរ មុនពេល​ខ្ញុំ ចាក​ចេញពី​បន្ទប់​ប្រជុំ​។​

​ក្រោយពី​កិច្ចប្រជុំ​នោះដែរ តាម​ព័ត៌មាន​ដែល ខ្ញុំ​ទទួលបាន ឯកឧត្តម ឆែម សាវុធ ក៏បាន​បន្ត​បំពេញ ការងារ​ជាធម្មតា ប៉ុន្តែ​ក្នុងពេល​កន្លងមក ក៏​ធ្លាប់បាន​ធ្វើដំណើរ ទៅ​ខេត្តបន្ទាយមានជ័យ ដើម្បី​ត្រួតពិនិត្យ​ដំណើរការ ផ្ទេរ​អ្នកទោស ដែល​បាន​ផ្ទេរចេញ​មួយរយៈ ដោយសារ​ជំនន់​ទឹកភ្លៀង​នោះ ចូលមក​កាន់​ពន្ធនាគា​រ ខេត្តបន្ទាយមានជ័យ វិញ​ផងដែរ​។​

​ជា​ប្រការ​គួរឱ្យ​សោកស្ដាយ​ណាស់ នៅ​ថ្ងៃទី​២៨ ខែវិច្ឆិកា ម្សិលមិញ​នេះ ភរិយា​ឯកឧត្តម ឆែម សាវុធ ត្រូវបាន​រកឃើញថា មាន​ជំងឺ​កូ​វីដ​-១៩ បន្ទាប់ពី​មាន​អា​ការៈមិន​ស្រួលខ្លួន រយៈពេល​ជាង មួយ​សប្ដាហ៍ ហើយ​លទ្ធផល ជា​បន្តបន្ទាប់ ក៏​បង្ហាញថា ឯកឧត្តម ឆែម សាវុធ និង​សមាជិកគ្រួសារ​មួយចំនួនទៀត​ក៏បាន​ឆ្លង​ជំងឺ​នេះដែរ​។ ដូច្នេះ​គឺជា​ការចាំបាច់​បំផុត ដែល​ខ្ញុំ​ត្រូវធ្វើ ច​ត្តា​ឡី​ស័ក រយៈពេល ១៤ ថ្ងៃ តាម​វិធាន​របស់​ក្រសួងសុខាភិបាល​។ ទោះបីជា​យ៉ាងណា ខ្ញុំ​នៅតែ​បន្ត​បំពេញភារកិច្ច ពិនិត្យ​សម្រេច​លើ​សំណើរ និង​សំណូមពរ​នានា ពី​ថ្នាក់ដឹកនាំ​ក្រសួង និង​បងប្អូន​ជនរួមជាតិ ជាធម្មតា តាមរយៈ​គេហទំព័រ ហ្វេ​ស​ប៊ុ​ក​នេះ ពី​បន្ទប់​ដាច់ដោយឡែក នៅផ្ទះ​របស់ខ្ញុំ​។​

​ខ្ញុំ​សូម​អំពាវនាវ ថ្នាក់ដឹកនាំ មន្ត្រីរាជការ​ស៊ីវិល និង​នគរបាលជាតិ ដែលមាន​ការពាក់ព័ន្ធ ដោយផ្ទាល់ និង​ប្រយោល​ទាំងអស់ សូម​ធ្វើតេស្ត​រក​ជំងឺ​កូ​វីដ​១៩ និង​អនុវត្ត​ការដាក់​ខ្លួន ឱ្យនៅ​ដាច់ដោយឡែក ដើម្បី​តាមដាន​សុខភាព ក្នុង​រយៈពេល ១៤ ថ្ងៃ ឱ្យបាន​ច្បាស់លាស់​បំផុត ។ ដោយឡែក ចំពោះ​ថ្នាក់ដឹកនាំ មន្ត្រីរាជការ និង​នគរបាលជាតិ ដែល​មិនមាន​ការជាប់​ពាក់ព័ន្ធ សូម​បន្ត​បំពេញភារកិច្ច ជាធម្មតា ដោយ​ត្រូវ​ប្រកាន់ខ្ជាប់​វិធានការ​អនាម័យ ពាក់​ម៉ាស់ លាងដៃ រក្សា​គម្លាត ចៀសវាង​ការប្រមូលផ្ដុំ និង​តាមដាន​សុខភាព ជាប្រចាំ​។​

​ខ្ញុំ​ក៏​សូម​ថ្លែង​អរគុណ យ៉ាង​ជ្រាលជ្រៅ​បំផុត ជូន​ចំពោះ​បងប្អូន​ជនរួមជាតិ ទាំងអស់ ដែល​បាន​ផ្ញើ​សារ​ជូនពរ​ខ្ញុំ ព្រមទាំង​ក្រុមគ្រួសារ​។ ខ្ញុំ​ក៏​សូម​ជូនពរ បងប្អូន​ជនរួមជាតិ​ទាំងអស់ សូម​មាន​សុខ​ភាពល្អ និង​ចៀស​ផុតពី​គ្រោះ​ចង្រៃ ជំងឺ​កូ​វីដ​-១៩​។
​សូម​អរគុណ​!

សម្តេច​ក្រឡាហោម ស ខេង ឧបនាយករដ្ឋមន្ត្រី និង​ជា​រដ្ឋមន្ត្រី​ក្រសួងមហាផ្ទៃ

Football news:

Ronaldo is being unnecessarily criticized. His partners, including Morata, are even worse. Ex-Inter player about the match with Juve
Koeman on Leonardo's words about Messi: When asked if I am Interested in Neymar or Mbappe, I would also say yes
The Pope met with Spezia and congratulated them on their victory over Roma: You won 4:2. In Argentina, we dance the tango, and this is music 2/4
The coach of the Mexican Tigres lit a cigarette during the game. He was suspended for one match
Arsenal approached Real Madrid regarding the lease of Edegra
Inter can sign Gomez only in the case of the sale of Eriksen. The Argentine likes Conte
Real Madrid, AC Milan and Man City are Interested in Feyenoord defender Senesi. He is estimated at 35 million euros