Views: 8
ដោយៈ សុផល / ភ្នំពេញ: សម្ដេចអគ្គមហាពញាចក្រី ហេង សំរិន ប្រធានរដ្ឋសភា នាព្រឹកថ្ងៃទី២៩ ខែកញ្ញា ឆ្នាំ២០២២ បានដឹកនាំកិច្ចប្រជុំគណៈកម្មាធិការអចិន្ត្រៃយ៍ រដ្ឋសភា នៃព្រះរាជាណាចក្រកម្ពុជា ដេីម្បីពិភាក្សា និងអនុម័ត តាមរបៀបវារៈមួយចំនួន ដូចខាងក្រោម៖
រូបភាព ( សម្ដេចអគ្គមហាពញាចក្រី ហេង សំរិន ប្រធានរដ្ឋសភា )
១- ការពិនិត្យសំណើសុំប្រកាសទទួលស្គាល់៖ លោក ហេង ប៊ុនថាន់ តំណាងរាស្ត្រថ្មី មណ្ឌលរតនគិរី ជំនួសលោក ប៊ូ ឡាំ ដែលបានទទួលមរណភាព និងលោក នុត ជា តំណាងរាស្ត្រថ្មីមណ្ឌលរាជធានីភ្នំពេញ ជំនួសលោក ជៀប ស៊ីវន ដែលបានទទួល មរណភាព។
២- ការពិនិត្យសំណើសុំជ្រើសតាំង៖ លោក ចាន់ យឿន ជាសមាជិកគណៈកម្មការ មហាផ្ទៃ ការពារជាតិ និងមុខងារ សាធារណៈ នៃរដ្ឋសភា និងលោកស្រី ស៊ុន សាភឿន ជាសមាជិកគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃរដ្ឋសភា ។
៣- ការពិនិត្យសំណេីសុំបញ្ចូលសេចក្តីព្រាងច្បាប់ ស្តីពីការអនុម័តយល់ព្រមលើពិធីសារ ទីបួន ស្តីពីវិសោធនកម្មកិច្ចព្រមព្រៀង វិនិយោគទូលំទូលាយអាស៊ាន ក្នុងរបៀបវារៈ សម័យប្រជុំរដ្ឋសភា លើកទី៨ នីតិកាលទី៦ ។
៤- ការពិនិត្យសេចក្តីព្រាងរបាយការណ៍ ស្តីពីសកម្មភាពការងាររបស់រដ្ឋសភា ចន្លោះសម័យប្រជុំលើកទី៧ និងលើកទី៨ នីតិកាលទី៦ ។
៥- ការពិនិត្យសមាសភាពលេខាធិការសម័យប្រជុំរដ្ឋសភា លើកទី៨ នីតិកាលទី៦ ចំនួន៣រូប ដែលមានរាយនាម ដូចតទៅ៖ លោក ពេជ្រ ជីវ័ន អាយុ ៦៩ ឆ្នាំ លោក សៀង ស៊ុតថង អាយុ ៧០ ឆ្នាំ និងលោក ស៊ូ ភិរិន្ទ អាយុ ៧០ ឆ្នាំ។
៦- ការកំណត់កាលបរិច្ឆេទ បើកសម័យប្រជុំរដ្ឋសភា លើកទី៨ នីតិកាលទី៦ និងរបៀបវារៈសម័យប្រជុំលេីកទី៨ នីតិកាលទី៦ ៕ V / N
រូបភាព( សកម្មភាពប្រជុំគណៈកម្មាធិការអចិន្ត្រៃយ៍ រដ្ឋសភា )