Views: 1
ដោយៈតារារិទ្ធ/ភ្នំពេញៈ សម្ដេចអគ្គម ហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានថ្លែងទៅកាន់ក្រុមហ៊ុន និងនិយោជិក ព្រមទាំងកម្មករនៅក្នុងរោងចក្រមីនីបៀរថា បញ្ហាធំនៅទីនេះគឺពាក្យខ្លីមួយម៉ាត់គឺ «ជំនឿទុកចិត្ត»។
សម្ដេចតេជោបានថ្លែងបែបនេះនៅក្នុងពិធីអបអរខួបលើកទី១០ បូកមួយនៃក្រុមហ៊ុនមីឌីបៀររបស់ជប៉ុននៅកម្ពុជា នៅព្រឹកថ្ងៃទី១ ខែវិច្ឆិកា ឆ្នាំ២០២២ នៅតំបន់សេដ្ឋកិច្ចពិសេសភ្នំពេញ ។
សម្តេចមានប្រសាសន៍ថាៈ «ពិតណាស់ ការប្ដេជ្ញាចិត្តរបស់ខ្ញុំបានក្លាយជាការពិតមួយ។ រឿងធំនៅទីនេះដែលយើងដកស្រង់បានគឺនៅត្រង់ថាពាក្យខ្លីមួយម៉ាត់គឺជំនឿទុកចិត្ត»។។
សម្តេចបន្តថា ក្រុមហ៊ុនទុកចិត្តរាជរដ្ឋាភិបាល, រដ្ឋាភិបាកទុកចិត្តទៅលើក្រុម ហ៊ុន, កម្មករទុកចិត្តទៅលើក្រុមហ៊ុនទៅលើរាជរដ្ឋាភិបាល, រាជរដ្ឋបាលទុក ចិត្តទៅលើកម្មករ និងទៅលើក្រុមហ៊ុន។ ទាំងអស់នេះ គឺជាចំណុចពិសេសនៃការរីកលូតលាស់មិនត្រឹមតែ មីនីបៀ ប៉ុណ្ណោះទេ គឺក្រុមហ៊ុនជាច្រើនទៀត ។
សម្តេចបន្តថា «ខ្ញុំធ្លាប់និយាយហើយថាកុំគិតថាត្រីធំឬត្រីតូច ត្រីណាមកមុនគឺចាប់ត្រីនោះមុន។ព្រោះកម្ពុជាត្រូវការវិនិយោគលឿន»៕
