Views: 1
ដោយៈតារារិទ្ធ/ភ្នំពេញ៖សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានអញ្ជើញធ្វើបដិសណ្ឋារកិច្ចផ្លូវការជូនលោក អាន់វ៉ា អ៊ីប្រាហ៊ីម នាយករដ្ឋមន្ត្រីនៃប្រទេសម៉ាឡេស៊ី នាព្រឹកថ្ងៃទី ២៧ ខែមីនានេះនៅវិមានសន្តិ ភាពរាជធានីភ្នំពេញ។
បើយោងតាមសេចក្តីប្រកាសព័ត៌មានរបស់ក្រសួងការបរទេសនិងសហប្រតិ បត្តិការអន្តរជាតិលោក អាន់វ៉ា អ៊ីប្រាហ៊ីម(Anwar Ibrahim)នាយករដ្ឋមន្ត្រីនៃប្រទេសម៉ាឡេ ស៊ីនឹងអញ្ជើញមកបំពេញទស្សនកិច្ចផ្លូវការនៅកម្ពុជាតបតាមការអញ្ជើញរបស់សម្តេចតេជោហ៊ុនសែននាយករដ្ឋមន្ត្រីនៃកម្ពុជា។
ការអញ្ចើញមកដល់របស់លោក ដាតុ ស៊េរី អាន់វ៉ា ប៊ីន អ៊ីប្រាហ៊ីម នឹងចូលក្រាបបង្គំគា ល់ព្រះករុណាព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរា ជាណាចក្រកម្ពុជា ។
លោកនាយករដ្ឋមន្ត្រីក៏នឹងមានជំនួបសម្តែងការគួរសមដាច់ដោយឡែកជាមួយសម្តេចវិបុលសេនាភក្តីសាយឈុំប្រធានព្រឹទ្ធសភា និងសម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជាផងដែរ ។
លោកនាយករដ្ឋមន្ត្រីក៏នឹងជួបប្រជុំទ្វេភាគីជាមួយសម្តេចតេជោនាយករដ្ឋមន្រ្តីដើម្បីរិះរករបៀបនិងវិធីសាស្ត្រថ្មីៗសំដៅធ្វើឱ្យកាន់តែស៊ីជម្រៅបន្ថែមទៀតនូវទំនាក់ទំនងទ្វេភាគីដ៏យូរលង់ដែលគ្រប់ដណ្តប់លើកិច្ច សហប្រតិបត្តិការគ្រប់វិស័យរាប់ចាប់ពីនៅក្នុងវិស័យ នយោបាយ-សន្តិសុខ សេដ្ឋកិច្ច រហូត ដល់វិស័យសង្គម-វប្បធម៌។
នាយករដ្ឋមន្ត្រីទាំងពីរនឹងផ្លាស់ប្តូរទស្ស នៈគ្នាទៅវិញទៅមកលើបញ្ហាអនុតំបន់ តំបន់និងអន្តរជាតិដែលជាផលប្រយោជន៍និងក្តីបារម្ភរួម ។ បន្ទាប់ពីជំនួបនាយករដ្ឋមន្ត្រីទាំងពីរនឹងអញ្ជើញធ្វើជាអធិបតីក្នុងពិធីចុះហត្ថលេខាលើគំនិតផ្តួចផ្តើមនៃកិច្ចសហប្រតិបត្តិការមួយចំនួននិងធ្វើសន្និសីទសារព័ត៌មានរួមគ្នា ។
ជាមួយគ្នានេះលោកនាយករដ្ឋមន្ត្រីម៉ា ឡេស៊ីនឹងចូលរួមជាមួយសម្តេចតេជោនាយករដ្ឋមន្ត្រីក្នុងពិធីលៀងសាយភោជន៍ស្រាយ បួសរបស់សាសនិកអ៊ីស្លាមនិងចូលរួមពិធីថ្វាយបង្គំព្រះជាមួយនិស្សិតអាហារូបករ ណ៍និងសហគមន៍អ៊ីស្លាមនៅកម្ពុជាផងដែរ ។
គួរបញ្ជាក់ផងដែរថាដំណើរទស្សនកិច្ចផ្លូវការរបស់លោកនាយករដ្ឋមន្ត្រីម៉ាឡេស៊ីមកកាន់កម្ពុជានាពេលនេះនឹងនាំមកនូវសន្ទុះថ្មីដល់ទំនាក់ទំនងទ្វេភាគីដ៏រឹងមាំលើគ្រប់វិស័ យរវាងប្រទេសទាំងពីរហើយនឹងរួមចំណែ កដល់ការថែរក្សាសន្តិភាពនិងស្ថិរភាពនៅក្នុងតំបន់ក៏ដូចជារួមចំណែកដល់ការបន្តការអភិវឌ្ឍនិងវិបុលភាពរបស់សហគមន៍អា ស៊ាន និងអន្តរជាតិផងដែរ ៕
