Views: 2
ដោយៈសុផល/ភ្នំពេញ៖ស្នងការដ្ឋាននគរបាលរាជធានីភ្នំពេញ និង ក្រុមហ៊ុន ជីប ម៉ុង អ៊ីនដាស្ទ្រីស៍ បានសហការគ្នារៀបចំយុទ្ធនាការសុវត្ថិភាព ២០២២ក្នុងគោល បំណងពង្រឹងលើសុវត្ថិភាពការងារ និងចូលរួមបង្ការទប់ស្កាត់គ្រោះថ្នាក់ចរាចរណ៍នៅតាមដងផ្លូវសាធារណៈជាពិសេសពង្រឹងទៅលើច្បាប់ចរាចរណ៍និងសុវត្ថិភាពបើកបររបស់បុគ្គលិកជីប ម៉ុង អ៊ីនដាស្ទ្រីស៍ទាំងមូល។
យុទ្ធនាការសុវត្ថិភាពនេះ បានត្រូវធ្វើឡើងកាលពីថ្ងៃទី២៨ ខែកញ្ញា ឆ្នាំ២០២២នៅសាលប្រជុំ រោងចក្រផលិតក្បឿង ជីប ម៉ុង របស់ក្រុមហ៊ុន ជីប ម៉ុង អ៊ីនដាស្ទ្រីស៍ ស្ថិតនៅភូមិកណ្ដាល សង្កាត់រលួស ខណ្ឌដង្កោ រាជធានីភ្នំពេញ។
លោក អាន ស៊ីដេត ប្រធានផ្នែកគ្រប់គ្រងសុវត្ថិភាពសុខភាព និងបរិស្ថាន បានថ្លែងថា៖យុទ្ធនាការនេះ គឺដើម្បីផ្សព្វផ្សាយពីសុវត្ថិភាព និងច្បាប់ចរាចរណ៍ផ្លូវគោក តាម រយៈការធ្វើបទបង្ហាញពីគ្រួឧទ្ទេស មកពីស្នងការដ្ឋាននគរបាលរាជធានីភ្នំពេញ ជូនដល់បុគ្គលិក និយោជិត និងអ្នកបើកបររថយន្តរបស់ក្រុមហ៊ុន ជីប ម៉ុង អ៊ីនដាស្ទ្រីស៍ ទាំងអស់។
យុទ្ធនាការនេះត្រូវបានធ្វើឡើងក្នុងរយៈពេលពេញមួយថ្ងៃ ដែលមានអ្នកចូលរួមសរុបចំនួន ៤៤៨ នាក់ មកពីបណ្តារោងចក្រផលិតបេតុង ផលិតក្បឿង ផលិតទុយោ និងជីប ម៉ុងត្រែដឌីង ហើយក៏ជាយុទ្ធនាការលើកទី ៣ ផងដែរដែលត្រូវបានរៀបចំឡើងដោយក្រុមហ៊ុន ជីប ម៉ុង អ៊ីនដាស្ទ្រីស៍។
លោក គួច រតនៈ នាយកគ្រប់គ្រងប្រតិបត្តិការ ក្រុមហ៊ុន ជីប ម៉ុង អ៊ីនដាស្ទ្រីស៍ បានបញ្ជាក់ថា គោលបំណងនៃការរៀបចំ យុទ្ធនាការនេះគឺដើម្បីចូលរួមពង្រឹងចំណេះដឹងពាក់ព័ន្ធនឹងសុវត្ថិភាពការងារ និងច្បាប់ចរាចរណ៍ផ្លូវគោក ដើម្បីកាត់បន្ថយគ្រោះថ្នាក់ចរាចរណ៍តាមដងផ្លូវ។
ក្រុមហ៊ុន ជីប ម៉ុង អ៊ីនដាស្ទ្រីស៍ បានបង្កើតឡើងនៅឆ្នាំ២០០៧ ជាក្រុមហ៊ុនឈានមុខគេក្នុងការផលិតបេតុងលាយស្រេចនិងជាក្រុមហ៊ុនដំបូងគេនៅប្រទេសកម្ពុជាដែលទទួលបានការទទួលស្គាល់វិញ្ញាបនប័ត្រគ្រប់គ្រងគុណភាពស្ដង់ដារ ISO 9001-2015 ។ ផលិតផលរបស់ក្រុមហ៊ុន ជីប ម៉ុង អ៊ីនដាស្ទ្រីស៍ មានដូចជាបេតុងលាយស្រេច ក្បឿងជីបម៉ុង ទុយោជីបម៉ុង និងផលិតផលថ្មក្រាវ៉ែត ដែលសុទ្ធសឹងជាផលិតផលដែលមានគុណភាពខ្ពស់កម្រិតអន្តរជាតិ សម្រាប់គាំទ្រលើឧស្សាហកម្មសំណង់គ្រប់ប្រភេទ ស័ក្តិសមទៅនឹងគេហដ្ឋានទំនើប និងគម្រោងអភិវឌ្ឍន៍នានានៅទូទាំងព្រះរាជាណាចក្រកម្ពុជា៕Ph
