Views: 2
ដោយៈ សុផល / ភ្នំពេញ៖ ភ្ញៀវទេសចរផ្ទៃក្នុងសប្តាហ៍ទី៤ ចាប់ពី ថ្ងៃទី២១-២៧ ខែវិច្ឆិកា ឆ្នាំ២០២២ មានចំនួន ៣៦៩.៤០៤នាក់ ក្នុងនោះភ្ញៀវជាតិ ៣៣៤.១៤៣ នាក់និងភ្ញៀបរទេសផ្ទៃក្នុង ៣៥.២៦១ នាក់។ តួលេខនេះ មានការកើនឡើង ៦,២៤% ធៀបនឹងសប្តាហ៍កន្លងមក ដែលមានភ្ញៀវសរុប ៣៤៧.៧០១ នាក់។
គោលដៅទេសចរណ៍សំខាន់ៗ រួមមានខេត្តព្រះសីហនុ ១៨១.៥៣៩ នាក់, ខេត្តសៀមរាប ៣២.៥១៥ នាក់ , រាជធានីភ្នំពេញ ២៧.៣០១ នាក់, ខេត្តកំពត ២៣.០៤០ នាក់, ខេត្តកែប ២០.៧២៧ នាក់ , ខេត្តបាត់ដំបង ១២.៣២៩ នាក់, ខេត្តកំពង់ចាម ១១.០៣៦ នាក់។
ខេត្តព្រះសីហនុ នៅតែបន្តទទួលបានភ្ញៀវទេសចរច្រើនក្នុងសប្តាហ៍កន្លងមក ដោយសារ មានព្រឹត្តិការណ៍សំខាន់ចំនួន២គឺៈ ទី១ ការប្រគុំតន្ត្រីនិងតាំងពិព័រណ៍រយៈពេលពេញមួយសប្តាហ៍ចាប់ពីថ្ងៃទី២២-២៧ ខែវិច្ឆិកា ឆ្នាំ២០២២ នៅទីលានតេជោ និងទី២ ការប្រកួតម៉ូតូទឹកនៅឆ្នេរអូរឈើទាលរយៈពេល៤ថ្ងៃចាប់ពីថ្ងៃទី២៤-២៧ ខែវិច្ឆិកា ឆ្នាំ២០២២ ដែលជាវិញ្ញាសាមួយនៃការប្រកួតកីឡាជាតិ រៀបចំដោយគណៈកម្មាធិការជាតិ អូរឡាំពិកកម្ពុជា។
ដោយឡែក រដ្ឋបាលខេត្តព្រះសីហនុនឹងសហការជាមួយគណៈកម្មការអន្តរក្រសួង ក្នុងការត្រៀមរៀបចំពិធីបុណ្យសមុទ្រចាប់ពីថ្ងៃទី ៩-១១ ខែធ្នូ អមជាមួយមហាសន្និបាតក្លិបឆ្នេរសមុទ្រដែលស្អាតបំផុតលើសាកលលោក ចាប់ពីថ្ងៃទី ៩-១៤ ខែធ្នូ ឆ្នាំ២០២២ ៕ V / N
