Views: 1
ប្រែសម្រួលៈបំណង(ដេល្លីម៉េល)៖ ស្រីលង្កាបានស្នើសុំចិនអោយបញ្ឈប់ដំណើរទស្សនកិច្ចតាមគំរោងរបស់នាវាចិនមួយមកកាន់ប្រទេសដែនកោះនេះក្រោយមានការប្រឆាំងជំទាស់ពីឥណ្ឌា នេះបើតាមប្រភពរដ្ឋាភិបាលបានប្រាប់ទីភ្នាក់ងារសារព័ត៌មានរ៉យទ័រកាលពីថ្ងៃអាទិត្យ។
នាវាសិក្សាស្រាវជ្រាវនិងអង្កេតចិនឈ្មោះYuan Wang 5 កំពុងស្ថិតនៅលើផ្លូវរបស់វាកកាន់កំពង់ផែន ហាំបាន់តូតា(Hambantota)របស់ស្រីលង្កានៅឡើយ។វាត្រូវទៅដល់កំពង់ផែនេះនៅថ្ងៃ១១សីហា ។
ឥណ្ឌាបានសម្តែងការព្រួយបារម្ភថា កំពង់ផែសាងសង់ដោយលុយចិននិងជួលទៅអោយចិននេះនឹងត្រូវរដ្ឋាភិបាលទីក្រុងប៉េកាំងប្រើជាមូលដ្ឋានទ័ពមួយនៅជាប់នឹងឥណ្ឌា។កំពង់ផែតំលៃ១,៥ពាន់លានដុល្លារនេះក៏នៅក្បែរផ្លូវដឹកជញ្ជូនតាមសមុទ្រដ៏ធំពីអាស៊ីទៅកាន់អឺរ៉ុប។
ក្រសួងការបរទេសចិនមិនអាចសុំការបញ្ជាក់បាននៅឡើយកាលពីថ្ងៃអាទិត្យ តែកាលពីសប្តាហ៍មុន អ្នកនាំពាក្យរដ្ឋាភិបាលស្រីលង្កាបាននិយាយថា នាវានេះគ្រាន់តែឈប់នៅកំពង់ផែហាំបាន់តូតាដើម្បីចាក់ប្រេងបន្ថែមប៉ុណ្ណោះ។
សូមបញ្ជាក់ថា ចិនជាម្ចាស់បំណុលធំបំផុតមួយរបស់ស្រីលង្កា និងក៏ជួយហិរញ្ញវត្ថុសំរាប់កសាងអាកាសយានដ្ឋាន ផ្លូវថ្នល់និងផ្លូវដែកដែលធ្វើអោយឥណ្ឌាមិនសប្បាយចិត្ត។នៅពេលស្រីលង្កាជួបវិបត្តិសេដ្ឋកិច្ចអាក្រក់បំផុតនៅឆ្នាំនេះ ឥណ្ឌាជាប្រទេសតែមួយដែលបានផ្តល់ការគាំទ្រហិរញ្ញវត្ថុដល់ទៅជិត៤ពាន់លានដុល្លារ។
ទំនាក់ទំនងការទូតរវាងឥណ្ឌានិងចិនមិនជាល្អនឹងគ្នាទេចាប់តាំងពីមានការប៉ះទង្គិចគ្នានៅឆ្នាំ២០២០រវាងកងទ័ពនៃប្រទេសទាំងពីរនៅតាមព្រំដែននៃតំបន់ហេមពាន្តរបស់ប្រទេសទាំងពីរ។ពេលនោះ ទាហានឥណ្ឌា២០នាក់បានស្លាប់ ដែលនាំដល់ការបង្កើនកម្លាំងទ័ពក្រាស់ក្រែលនៃភាគីទាំងសងខាង៕
ពួកអ្នកវិភាគសន្តិសុខបរទេសបានពណ៌នានាវាYuan Wang 5 ថាជានាវាតាមដានអវកាសចុងក្រោយរបស់ចិន ដោយប្រើសំរាប់ឃ្លាំមើលផ្កាយរណប ការបាញ់រ៉ុក្កែតនិងកាំជ្រួចឆ្លងទ្វីប
