Views: 1
ដោយៈសុផល/ភ្នំពេញ៖ស្ថានតំណាងពាណិជ្ជកម្មថៃ បានបញ្ជាក់ថា៖ចាប់ពីថ្ងៃទី ២៥ ដល់ថ្ងៃទី ២៨ ខែ សីហា ឆ្នាំ ២០២២នឹងមានការរៀបចំពិព័រណ៍ពាណិជ្ជកម្មថៃ “Mini Thailand Week 2022” នៅផ្សារទំនើប ភូ ពុយ ក្រុងបាត់ដំបង ខេត្តបាត់ដំបង ។
ពិព័រណ៍ពាណិជ្ជកម្មថៃ Mini Thailand Week 2022 ជាពិព័រណ៍ពាណិជ្ជកម្មថៃដ៏ធំប្រចាំឆ្នាំ ដែលរៀបចំ ដោយក្រសួងពាណិជ្ជកម្ម នៃប្រទេសថៃក្នុងគោលបំណងផ្លាស់ប្តូរពាណិជ្ជកម្មរវាងប្រទេសទាំងពីរ និងផ្សព្វផ្សាយទំនិញគុណភាពខ្ពស់របស់ថៃ។
នៅក្នុងពិព័រណ៍នេះ មានទំនិញជាច្រើនប្រភេទសម្រាប់ឲ្យលោកអ្នកធ្វើការជ្រើសរើស ដែលទំនិញទាំងអស់សុទ្ធតែជាទំនិញ ដែលមានគុណភាពល្អ មកពីប្រទេសថៃ និងតំលៃសមរម្យ។ ចំពោះលោកអ្នកដែលមានបំណង ចង់ស្វែងរកដៃគូពាណិជ្ជកម្ម ចែកចាយទំនិញថៃ នឹងមានឱកាសជួបផ្ទាល់ជាមួយម្ចាស់រោងចក្រ ដែលមកពីប្រទេសថៃផងដែរ។
ពិព័រណ៍ពាណិជ្ជកម្មដែល ចាប់ផ្តើមពីម៉ោង ១០ ព្រឹក ដល់ម៉ោង ១០ យប់នេះក៏មានការលក់ បញ្ចុះតម្លៃផងដែរ ដើម្បីជួយសម្រួលដល់ជីវភាពរស់នៅរបស់ប្រជាជន។
សាធារណជន អាចចូលទស្សនាពិព័រណ៍ពាណិជ្ជកម្មថៃ “Mini Thailand Week 2022” នេះដោយសេរីនិងរីករាយទស្សនាការប្រគុំតន្ត្រីដែលចូលរួមដោយតារាចម្រៀងល្បីៗក្នុងព្រះរាជាណាចក្រកម្ពុជា ជាពិសេសមានការចាប់រង្វាន់ជូនដល់អតិថិជនជារៀងរាល់ថ្ងៃទៀតផង ៕Ph