Views: 10
ដោយ៖ សុវណ្ណកុម្ភៈ/ភ្នំពេញ៖ ក្រុមកីឡាករ–កីឡាការិនី ភ្នំពេញ ដណ្តើមមេដាយមាស ចំនួន ៣ គ្រឿង លើប្រភេទកីឡាតេក្វាន់ដូWT (World Taekwondo)។
ក្រៅពីមេដាយមាស ៣ គ្រឿង ក្រុមកីឡាករ–កីឡាការិនី ភ្នំពេញ ដណ្តើមមេដាយ ប្រាក់ ២ គ្រឿង និងមេដាយសំរិទ្ធ ១ គ្រឿងក្រុមកីឡាករ–កីឡាការិនី ព្រៃវែង ដណ្តើមមេដាយ មាស ចំនួន ២គ្រឿង និងមេដាយសំរិទ្ធ ១គ្រឿង ក្រុមកីឡាករ កីឡាការិនីខេត្តបាត់ដំបង ដណ្តើមមេដាយមាស ចំនួន ១ គ្រឿង មេដាយប្រាក់ ២ គ្រឿង និងមេដាយសំរិទ្ធ ២ គ្រឿង និងក្រុមកីឡាករ–កីឡាការិនី កំពង់ចាម ដណ្តើមមេដាយមាស ចំនួន ១ គ្រឿង មេដាយប្រាក់ ២ គ្រឿង និងមេដាយសំរិទ្ធ ២ គ្រឿង។
ក្រុមកីឡាករ កីឡាការិនីខេត្តកំពត ដណ្តើមមេដាយមាស ចំនួន១គ្រឿង និងមេដាយ សំរិទ្ធ ៣ គ្រឿង ក្រុមកីឡាករ កីឡាការិនីខេត្តដណ្តើមមេដាយប្រាក់ ២គ្រឿង និងក្រុមកីឡាករ–កីឡាការិនីខេត្តសៀមរាប ដណ្តើមមេដាយមេដាយសំរិទ្ធ ៣ គ្រឿង។
ការប្រកួតកីឡាសិស្សមធ្យមសិក្សាថ្នាក់ជាតិ ឆ្នាំ២០២៣ មាន ១២ ប្រភេទកីឡា រួមមាន បាល់ទាត់ បាល់ទះ បាល់បោះ អត្តពលកម្មវាយសី វាយកូនឃ្លីលើតុ តេក្វាន់ដូ WT តេក្វាន់ដូ ITF ប៉េតង់ ហែលទឹក ការ៉ាតេ និងគុនល្បុក្កតោ មានវិញ្ញាសាសរុប ១០៥ ដើម្បីឲ្យកីឡាករ–កីឡាការិនី នៅតាមរាជធានី ខេត្តបានបញ្ចេញសមត្ថភាព ដោយមានប្រតិភូ អ្នកថ្នាក់ដឹកនាំ គ្រូបង្វឹក និងកីឡាករ–កីឡាការិនីចំនួន ៣.២៥៧ នាក់ ៕/V-PC
