Cambodia

ថៃ​រក​ឃើញ​អ្នក​ឆ្លងកូវី​ដ​១៩​ថ្មី​ចំនួន​២១​នាក់ និង​កំពុង​តាមរក​មនុស្ស​២០០​នាក់​ដែល​អាច…

​ប្រែ​សម្រួលៈ​វាសនា​/​បាងកក​៖ ថៃឡង់​ដ៍ កាលពី​ថ្ងៃ​ចន្ទ​បាន​បន្ថែម​អ្នក​កើតកូ​វីដ​១៩​ចំនួន​២១​ករណី​ទៀត តែ​សុទ្ធតែជា​អ្នក​មក​ពី​ក្រៅ​ប្រទេស​ទោះជា​យ៉ាងណា​ប្រទេស​នេះ​មិន​បាន​សេចក្តីរាយការណ៍​អំពី​ការ​​ស្លាប់​ដោយ​ជំងឺឆ្លង​សកល​នេះ​ទេ​។​

​តួលេខ​ឆ្លង​ថ្មី នាំ​អោយ​ចំនួន​មនុស្ស​ឆ្លង​សរុប​នៅក្នុង​ប្រទេស​ថៃឡង់​ដ៍​កើន​ដល់​៤.៩៩៨​នាក់​។​

​សូមបញ្ជាក់​ថា ក្នុងចំណោម​អ្នក​ឆ្លង​នាំចូល​២១​នាក់ មាន​១៧​នាក់​ជា​ជនជាតិ​ថៃ រួម​មាន​ស្ត្រី​៣​នាក់ ដែល​បាន​លួច​ចូល​មក​ក្នុងស្រុក​មួយ​ក្នុង​ខេត្ត​ឈៀង រ៉ៃ​កាលពី​យប់​ថ្ងៃ​អង្គារ​និង​ថ្ងៃ​សុក្រ​។​ម្នាក់​ក្នុង​​ចំណោម​ស្ត្រី​ទាំង​៣​នេះ បាន​ចេញ​រោគសញ្ញា​មុន​ពេល​លួច​ឆ្លងកាត់​ព្រំដែន​មក​ពី​ខាង​មី​យ៉ាន់​ម៉ា ហើយ​ម្នាក់ទៀត​ទើប​ក្តៅខ្លួន​កាលពី​ថ្ងៃអាទិត្យ​។​

​ក្នុងពេល​ជាមួយគ្នា នៅ​ថ្ងៃ​ចន្ទ​នេះ​អាជ្ញាធរ​ថៃ​កំពុង​តាម​ស្វែងរក​មនុស្ស​ដល់​ទៅ​ប្រមាណ​២០០​នាក់ នៅ​ខេត្ត​ឈៀង រ៉ៃ និង​ឈៀង​ម៉ៃ​ភាគ​ខាងជើង​ដើម្បី​ទប់ស្កាត់​ការឆ្លង​រាលដាល​វីរុស​កូរ៉ូ​ណាក្នុង​សហគមន៍ ​បន្ទាប់​ពី​ជនជាតិ​ថៃ​៣​នាក់​ខាងលើ​បាន​ចូលមក​ក្នុង​ប្រទេស​មក​ពី​ខាង​ប្រទេស​មី​យ៉ាន់​ម៉ា និង​ត្រូវបាន​ពិនិត្យ​ឃើញ​វិជ្ជ​មានកូ​វីដ​១៩​។​

​ស្ត្រី​ទាំង​៣​នាក់​បាន​គេច​ការត្រួត​ពិនិត្យ​នៅ​ប៉ុស្តិ៍​អន្តោប្រវេសន៍ និង​បាន​ចូល​ប្រទេស​ថៃ​តាម​ច្រក​ព្រំដែន​មិន​ផ្លូវការ​កាលពី​យប់​ថ្ងៃ​អង្គារ​និង​ថ្ងៃ​សុក្រ ដោយ​គេច​ការធ្វើ​ចត្តា​ឡីស័​ក​សំរាប់​អ្នកមកដល់​ថ្មី​។​

​សរុប​ទាំង​នៅ​ខេត្ត​ឈៀង រ៉ៃ និង​ឈៀង ម៉ៃ​ជាប់​គ្នា​នេះ មាន​មនុស្ស​៣៥៦​នាក់ អាច​ប៉ះពាល់​ឬ​មាន​ទំនាក់ទំនង​ជាមួយ​ស្ត្រី​ទាំង​៣​ក្រោយ​ពួកគេ​ចូលមក​ក្នុង​ប្រទេស​ថៃឡង់​ដ៍​ហើយ​ក្នុងចំណោម​ពួកគេ​រួម​​មាន​បុគ្គលិក​និង​អតិថិជន​នៃ​សណ្ឋាគារ​មួយ ផ្សារ​ទំនើប​មួយ រោងភាពយន្ត ភោជ្ជ​នី​យដ្ឋា​ន និង​អ្នកដំណើរ​នៃ​រថយន្ត​ដឹក​អ្នកដំណើរ​មួយ​និង​តាក់ស៊ី​មួយ​។​

​តាំងពី​មុន​មុន​មក គេ​រក​ឃើញ​មនុស្ស​ជាប់​សង្ស័យ​ប្រមាណ​១៥០​នាក់​ប៉ុណ្ណោះ នៅក្នុង​ខេត្ត​ភាគ​ខាងជើង​ទាំង​២​នេះ​ហើយ​ត្រូវបាន​នាំ​ទៅ​ធ្វើតេស្តិ៍​និង​បង្ហាញ​ថា​មិន​មានកូ​វីដ​១៩​ទេ​ដូច្នេះ​ជនសង្ស័យ​​អាច​ឆ្លងកូវី​ដ​១៩​ចំនួន​២០០​នាក់​ទៀត​កំពុង​នៅ​រាយប៉ាយ​ក្នុង​សហគមន៍​នៅឡើយ​។​

​ថៃឡង់​ដ៍ មាន​វិធានការ​និង​ការគ្រប់គ្រង​ព្រំដែន​តឹងតែង​ណាស់​ដើម្បី​កុំអោយ​វីរុស​កូរ៉ូ​ណាចូល​ក្នុងប្រទេស​ខ្លួន ។​ការរកឃើញ​ការឆ្លង​ភាគច្រើន​បំផុត​ជា​ករណី​នាំចូល និង​រកឃើញ​នៅ​កន្លែង​ធ្វើ​ចត្តា​ឡី​ស័ក​​របស់​រដ្ឋាភិបាល ទោះជា​យ៉ាងណា​មាន​ករណី​ឆ្លង​ក្នុង​សហគមន៍​ខ្លះ​ដែរ​នៅ​ដំណាក់កាល​ដំបូងៗ​។​

​ស្ត្រី​កើតកូ​វីដ​១៩​ទី​១ ក្នុង​៣​ករណី​ខាងលើ បាន​ចូល​មក​ដល់​ខេត្ត​ឈៀង រ៉ៃ កាលពី​ថ្ងៃ​២៤​វិច្ឆិកា និង​បាន​ធ្វើដំណើរ​ទៅ​ឈៀង ម៉ៃ ហើយ​បាន​ចេញ​រោគសញ្ញា​កូវី​ដ​១៩​និង​បាន​ចូលដេក​ពេទ្យ​នៅ​ទីនោះ ។​២​នាក់​​ទៀត​ដែល​ធ្វើការ​នៅ​កន្លែង​កម្សាន្ត​សប្បាយ​ជាមួយគ្នា​នៅ​មី​យ៉ាន់​ម៉ា បាន​វិល​ចូល​ថៃឡង់​ដ៍ កាលពី​ថ្ងៃ​សុក្រ ។​ពួកគេ​បាន​ស្នាក់​នៅក្នុង​សណ្ឋាគារ​ថៃ​មួយ​និង​ក្រោយមក​បាន​ធ្វើតេស្តិ៍​រក​កូវី​ដ​១៩​រកឃើញ​ជំងឺ​​នេះ​។​

​សូមបញ្ជាក់​ថា មី​យ៉ាន់​ម៉ា បច្ចុប្បន្ន​មាន​ការ​ឆ្លងកូវី​ដ​១៩ ជា​មធ្យម​១.៤៤៧​នាក់​ក្នុង​មួយថ្ងៃ ដែល​នាំ​អោយ​ចំនួន​ឆ្លង​សរុប​ឡើងដល់​៨៨.០០០​នាក់ និង​១.៨៨៧​នាក់​ស្លាប់​៕

​ទាហាន​ថៃ​ឈរ​យាម​នៅ​ខាង​ព្រំដែន​របស់​ខ្លួន​ជាប់​មី​យ៉ាន់​ម៉ា ក្នុង​ខេត្ត​តាក់និងឈៀង រ៉ៃ​។​ការ​ល្បាត​ព្រំដែន​ខាងជើង​ត្រូវបាន​បង្កើន​ដើម្បី​ទប់ស្កាត់​ការ​នាំចូល​កូវី​ដ​១៩​តាមរយៈ​ការឆ្លងកាត់​ព្រំដែន​ខុសច្បាប់​

Football news:

Lazio wants to rent Rugani from Juventus. Defender plays for Rennes since October
Barcelona wants to give Umtiti on loan
Bernardo Silva: Man City have been playing well lately. We are good in all the lines
Real Madrid players were surprised by Zidane's soft speech at the first training session after the relegation from the Cup
Leicester have joined the fight for Eriksen
Real Madrid can invite Gallardo from River Plate instead of Zidane (ESPN Argentina)
Mandzukic on Milan's Victory in Serie A was a major achievement. We need to achieve this on the pitch, not in words