Views: 9
ដោយ៖ សុវណ្ណកុម្ភៈ/ភ្នំពេញ៖ ព្រឹត្តិការណ៍ប្រកួតបាល់ទាត់ពានរង្វាន់ AFF Mitsubishi Electric Cup ដែលការប្រកួតនឹងធ្វើនៅថ្ងៃទី២០ ធ្នូនោះ គឺកម្ពុជាជួបជាមួយប្រទេសហ្វីលីពីន។ គិតមកដល់ថ្ងៃនេះគឺនៅសល់តែ១៩ថ្ងៃទៀតប៉ុណ្ណោះ កម្ពុជានឹងធ្វើជាម្ចាស់ផ្ទះនៃព្រឹត្តិការណ៍នេះសម្រាប់ពូល ”A” ។ នៅថ្ងៃទី១០ ធ្នូ សំបុត្រសម្រាប់ចូលទស្សនាការប្រកួតនេះនឹងចាប់ផ្ដើមលក់ហើយ ។
សម្រាប់ពូល ”A” មានក្រុមកម្ពុជា ហ្វីលីពីន ឥណ្ឌូនេស៊ី ព្រុយណេ និងប្រទេសថៃ ។តាមកម្មវិធីសម្រាប់ការប្រកួតនេះដែលបញ្ចេញដោយសហព័ន្ធកីឡាបាល់ទាត់អាស៊ីអាគ្នេយ៍ (AFF) បន្ទាប់ពីប្រកួតជាមួយហ្វីលីពីនថ្ងៃទី២០ ធ្នូនោះ នៅថ្ងៃទី២៣ ធ្នូ កម្ពុជាប្រកួតជាមួយក្រុមប្រទេសឥណ្ឌូនេស៊ី ថ្ងៃទី២៩ ធ្នូ កម្ពុជាប្រកួតជាមួយព្រុយណេ និងថ្ងៃទី២ មករា ឆ្នាំ២០២៣ កម្ពុជាជួបជាមួយថៃជាចុងក្រោយ ។
ថៃជាប្រទេសអធិរាជមួយខាងបាល់ទាត់ក្នុងតំបន់អាស៊ីអាគ្នេយ៍។ ប្រធានសហព័ន្ធកីឡាបាល់ទាត់ថៃកំពុងតែទទួលការព្រមានពីគណៈកម្មាធិការអូឡាំពិករបស់ខ្លួនថា ប្រទេសថៃត្រូវតែប្រជែងយកមេដាយមាសទាំងបាល់ទាត់បុរស និង នារីក្នុងព្រឹត្តិការណ៍ស៊ីហ្គេមនៅកម្ពុជានាឆ្នាំ២០២៣ខាងមុខនេះ៕