Views: 1
ប្រែសម្រួល : កញ្ញាដាលីស (ដេល្លីម៉េល) ៖ ប្រភពនានាបានប្រាប់ Dailymail.com ថា លោកស្រី មេឡានី ត្រាំ ដែលកំពុងក្រៅឆេវ បានចំណាយពេលជាច្រើនយប់នៅសណ្ឋាគារប្រណីតមួយក្នុងក្រុងវ៉ាស៊ីនតោនដើម្បីនៅឆ្ងាយពីសេតវិមានក្នុងឆ្នាំ២០១៨ នៅពេលដែលព័ត៌មានបានបែកធ្លាយថា អតីតប្រធានាធិបតីត្រាំបានបង់ប្រាក់ឱ្យតារាសិច ស្តមមី ដានៀលស៍ (Stormy Daniels) ដើម្បីរក្សាភាពស្ងៀមស្ងាត់អំពីការដេកជាមួយគ្នាមួយយប់របស់ពួកគេ។
ប្រភពស្និទ្ធនឹងអតីតប្រធានាធិបតីរូបនេះបាននិយាយថា វាគ្រាន់តែជាអ្វីដែលលោក ដូណាល់ ត្រាំ មានការភ័យខ្លាចប៉ុណ្ណោះ នៅពេលដែលគាត់បានរៀបចំបង់ប្រាក់បំបិទមាត់ឱ្យតារាអាសអាភាសរូបនេះចំនួន ១៣០.០០០ ដុល្លារកាលពី ១៥ ខែមុននោះ។
“លោកត្រាំបារម្ភខ្លួនគាត់ថាលោកស្រីមេឡានីនឹងដឹងព័ត៌មានលម្អិតនៃការបង់ប្រាក់បំបិទមាត់របស់គាត់សម្រាប់តារាសិច”។
“គាត់ដឹងពីផលវិបាកដែលអាចកើតមាន ហើយគាត់នឹងធ្វើអ្វីៗគ្រប់យ៉ាងដែលគាត់អាចធ្វើបានដើម្បីរក្សាអាថ៌កំបាំង”។
លោកត្រាំអាយុ ៧៦ ឆ្នាំអះអាងថា គាត់នឹងត្រូវចាប់ខ្លួននៅថ្ងៃអង្គារនេះក្រោមបទចោទរបស់រដ្ឋញូវយ៉កថាគាត់បានក្លែងបន្លំកំណត់ត្រាអាជីវកម្មនិងរំលោភបំពានហិរញ្ញវត្ថុយុទ្ធនាការទាក់ទងនឹងការផ្តល់លុយដល់មេធាវីរបស់គាត់ឈ្មោះ ម៉ៃឃើល ខូហិន (Michael Cohen) ចំនួន ១៣០.០០០ ដុល្លារដើម្បីយកទៅអោយតារាសិចស្តមមី ដានៀលស៍។
លោកបានបដិសេធមិនបានប្រព្រឹត្តខុសនិងមិនមានទំនាក់ទំនងស្នេហាជាមួយនាងស្តមមី ដានៀលស៍អាយុ ៤៤ ឆ្នាំ ហើយបានហៅករណីនេះថាមានហេតុផលនយោបាយ។ លោកបានពណ៌នាការបង់ប្រាក់ឱ្យទៅនាងស្តមមី ដានៀលស៍ថាជា “ការទូទាត់កុំឱ្យបង្កការរំខាន” ដែលពេលខ្លះអ្នកមានទ្រព្យសម្បត្តិចំណាយវាដើម្បីធ្វើឱ្យបញ្ហាបាត់ទៅវិញ៕
លោកស្រីមេឡានី(រូបក្រោម)ខឹងរត់ទៅដេកសណ្ឋាគារជាច្រើនថ្ងៃ ក្រោយបែកធ្លាយដំណឹងថាលោកត្រាំបង់លុយបំបិទមាត់តារាសិចស្តមមី ស្តមមី ដានៀលស៍(រូបលើ)