Cambodia

​វីវរ​ហើយ​ !​ ព្រះរាជអាជ្ញា​រង​សាលាដំបូង​ខេត្តសៀមរាប​ម្នាក់​រង​ការ​ប្តឹង​ចោទប្រកាន់​ពី​បទ​ប្រើ​អំណាច​តួនាទី​ និង​ពេលវេលា​រាជការ​ដោយ​គ្មាន​ការ​ចាត់តាំង​ធ្វើការគំរាមកំហែង​ និង​ប្រមាថ​ចាប់​មនុស្ស​ដាក់គុក​

យោង​តាម​ពាក្យបណ្តឹង​ចុះ​ថ្ងៃ​ទី​២៦​ ខែតុលា​ ឆ្នាំ​២០២០​កន្លង​ទៅ​ថ្មីៗ​របស់​លោក​ ទូច​ ហឿ​ន​ អាយុ​៣៨​ឆ្នាំ​ អះអាង​ថា​ជា​កម្មសិទ្ធិករ​នៃ​ដីធ្លី​មួយ​កន្លែង​មាន​ទទឹង​ទំហំ​៥០០​ម៉ែត្រ​ និង​បណ្តោយ​ទំហំ​១៩០​ម៉ែត្រ​ ឋិត​នៅ​ភូមិ​ពូ​ត្រុំ​ សង្កាត់រ​មនា​ ក្រុង​សែន​មនោ​រម្យ​ ខេត្តមណ្ឌលគិរី​ ដែល​គោរព​ជូន​ឯកឧត្តម​រដ្ឋមន្ត្រី​ក្រសួងយុត្តិធម៌​នោះ​ គឺ​លោក​ ស្រេង​ វុ​ទ្ធា​ ព្រះរាជអាជ្ញា​រង​នៃ​អយ្យការ​អម​សាលាដំបូង​ខេត្តសៀមរាប​ត្រូវ​ទទួល​រង​ការ​ប្តឹង​ចោទប្រកាន់​ពី​បទ​ប្រើ​អំណាច​តួនាទី​ និង​ពេលវេលា​រាជការ​របស់​ខ្លួន​ដោយ​គ្មាន​ការ​ចាត់តាំង​មក​គំរាមកំហែង​ និង​ប្រមាថ​ចាប់​មនុស្ស​ដាក់គុក​ ប្រព្រឹត្ត​នា​ថ្ងៃ​ទី​២២​ ខែតុលា​ ឆ្នាំ​២០២០​នៅ​ចំណុច​ភូមិ​ពូ​ត្រុំ​ សង្កាត់រ​មនា​ ក្រុង​សែន​មនោ​រម្យ​ ខេត្តមណ្ឌលគិរី​ (​ដូច​មាន​ខ្លឹមសារ​បញ្ជាក់​នៅ​ក្នុង​ពាក្យបណ្តឹង​របស់​លោក​ ទូច​ ហឿ​ន​ ភ្ជាប់​មក​ជាមួយ​ស្រាប់​)​ ។​

​គេហទំព័រ​សារព័ត៌មាន​ដើម​ត្នោត​ មិន​ទាន់​បានដឹង​អំពី​ចំណាត់ការ​របស់​ឯកឧត្តម​ កើត​ រិ​ទ្ធ​ រដ្ឋមន្ត្រី​ក្រសួងយុត្តិធម៌​ទៅ​លើ​ពាក្យបណ្តឹង​របស់​លោក​ ទូច​ ហឿ​ន​ ដែល​ប្តឹង​ចោទប្រកាន់​លោក​ ស្រេង​ វុ​ទ្ធា​ ព្រះរាជអាជ្ញា​រង​នៃ​អយ្យការ​អម​សាលាដំបូង​ខេត្តសៀមរាប​នោះ​នៅឡើយ​ទេ​ ហើយ​ក៏​មិន​ទាន់​បាន​សុំ​ការ​បំភ្លឺ​បញ្ជាក់​ពី​លោក​ ស្រេង​ វុ​ទ្ធា​ នៅឡើយ​ដែរ​គិត​ត្រឹម​ថ្ងៃ​ទី​២៩​ ខែតុលា​ ឆ្នាំ​២០២០​នេះ​ ពីព្រោះ​ជា​ថ្ងៃ​ឈប់​សម្រាក​បុណ្យ​ ។​

​លោក​ ស្រេង​ វុ​ទ្ធា​ ជា​សិស្ស​ចៅក្រម​ជំនាន់​ទី​៤​ សាលា​ភូមិន្ទ​ចៅក្រម​នៃ​រាជបណ្ឌិត្យសភា​វិជ្ជាជីវៈ​តុលាការ​ និង​ត្រូវ​បាន​ចាត់​ឲ្យ​ទៅ​បម្រើ​ការងារ​ជា​ព្រះរាជអាជ្ញា​រងកម្ម​សិក្សា​នៅ​អយ្យការ​អម​សាលាដំបូង​ខេត្តព្រះវិហារ​ ដោយ​ព្រះរាជក្រឹត្យ​លេខ​ន​ស​/​រក​ត​/០៣១១/២៣៣​ ចុះ​ថ្ងៃ​ទី​១០​ ខែមីនា​ ឆ្នាំ​២០១១​ និង​ត្រូវ​បាន​តាំងស៊ប់​ក្នុង​ក្របខ័ណ្ឌ​អង្គចៅក្រម​ ព្រមទាំង​ចាត់​ឲ្យ​ទៅ​បម្រើ​ការងារ​ជា​ព្រះរាជអាជ្ញា​រង​នៃ​អយ្យការ​អម​សាលាដំបូង​ខេត្តព្រះវិហារ​ ដោយ​ព្រះរាជក្រឹត្យ​លេខ​ន​ស​/​រក​ត​/០៦១២/៥៩១​ ចុះ​ថ្ងៃ​ទី​២១​ ខែមិថុនា​ ឆ្នាំ​២០១២​ ។​ តម​ក​ លោក​ ស្រេង​ វុ​ទ្ធា​ ព្រះរាជអាជ្ញា​រង​នៃ​អយ្យការ​អម​សាលាដំបូង​ខេត្តព្រះវិហារ​ ត្រូវ​បាន​ផ្ទេរ​មុខ​តំណែង​ឲ្យ​មក​បម្រើ​ការងារ​ជា​ព្រះរាជអាជ្ញា​រង​នៃ​អយ្យការ​អម​សាលាដំបូង​ខេត្តស្វាយរៀង​ ដោយ​ព្រះរាជក្រឹត្យ​លេខ​ន​ស​/​រក​ត​/០២១៧/២៤៧​ ចុះ​ថ្ងៃ​ទី​២៨​ ខែកុម្ភៈ​ ឆ្នាំ​២០១៧​ ។​ បន្ត​មក​ទៀត​ លោក​ ស្រេង​ វុ​ទ្ធា​ ព្រះរាជអាជ្ញា​រង​នៃ​អយ្យការ​អម​សាលាដំបូង​ខេត្តស្វាយរៀង​ក៏​ត្រូវ​បាន​ផ្ទេរ​មុខ​តំណែង​ឲ្យ​មក​បម្រើ​ការងារ​ជា​ព្រះរាជអាជ្ញា​រង​នៃ​អយ្យការ​អម​សាលាដំបូង​ខេត្តសៀមរាប​រហូត​ទល់​បច្ចុប្បន្ន​ ដោយ​ព្រះរាជក្រឹត្យ​លេខ​ន​ស​/​រក​ត​/១០១៨/១១៤១​ ចុះ​ថ្ងៃ​ទី​២៧​ ខែតុលា​ ឆ្នាំ​២០១៨​ ៕​

Football news:

ISCO could move to Sevilla in January. Lopetegui is personally Interested
Bilyaletdinov about the Champions League: Loco can leave the group. Unmotivated Bayern can be beaten in the 6th round
Zlatan Ibrahimovic: I Thought about retiring, but I wanted to change the mentality of Milan
Vasco da Gama sports Director: Balotelli will be like Maradona for us
Real Madrid won't buy Mbappe in the summer of 2021 due to the crisis (Le Parisien)
Ibra scores in 39, Buffon drags in 42, Ronaldo has no plans to finish. Is football really getting old?
Ziyech about who inspires him: Eden Hazard. A world class player