Views: 1
ប្រែសម្រួល : កញ្ញាដាលីស (ដេល្លីម៉េល) ៖ រដ្ឋាភិបាលក្រុងមូស្គូបាននិយាយថា រុស្ស៊ីនឹងកាត់យកតំបន់កាន់កាប់ចំនួនបួននៃអ៊ុយក្រែននៅក្នុងពិធីដ៏ធំមួយនៅក្នុងវិមានក្រឹមឡាំងនៅថ្ងៃសុក្រទី៣០កញ្ញានេះ បន្ទាប់ពីប្រធានាធិបតី វ្ល៉ាឌីមៀ ពូទីន បានគំរាមថា គាត់អាចប្រើអាវុធនុយក្លេអ៊ែរដើម្បីការពារទឹកដី។
ការគំរាមកំហែងនេះមិនបានរារាំងការវាយលុកដ៏ខ្លាំងក្លារបស់អ៊ុយក្រែន ដែលបាននិងកំពុងរុញច្រានកងទ័ពរុស្ស៊ីនៅភាគខាងកើត និងកំពុងស្ថិតនៅមាត់ទ្វារនៃទីក្រុងលីម៉ាន់ (Lyman)ខេត្តដូណិតសខ៍ ដែលកងកម្លាំងរបស់រដ្ឋាភិបាលក្រុងមូស្គូបានវាយលុកអស់ជាច្រើនសប្តាហ៍ មុនពេលដណ្តើមបានវានៅរដូវក្តៅនេះ។
អ្នកនាំពាក្យវិមានក្រឹមឡាំង លោក ឌីមីទ្រី ប៉េស្កូវ បានប្រាប់អ្នកយកព័ត៌មានថាការកាត់យកតំបន់ទាំងបួននឹងត្រូវធ្វើឡើងជាផ្លូវការនៅក្នុងពិធីធំមួយនៅក្រុងមូស្គូហើយថាលោកពូទីននឹងថ្លែងសុន្ទរកថា “សំខាន់” ។
បន្ទាប់មកមេដឹកនាំរុស្ស៊ីខ្លួនឯងបានស្តីបន្ទោសជម្លោះនៅអ៊ុយក្រែនលើលោកខាងលិច ហើយនិយាយថា ជម្លោះនៅក្នុងអតីតសហភាពសូវៀតគឺជាលទ្ធផលនៃការដួលរលំរបស់ខ្លួន។
វោហាសាស្ត្រនេះគឺផ្អែកលើឃ្លាដ៏ល្បីល្បាញរបស់គាត់ដែលថាការដួលរលំនៃសហភាពសូវៀតគឺជាសោកនាដកម្មហើយថ្មីៗនេះគាត់បានលើកឡើងថារដ្ឋាភិបាលក្រុងមូស្គូគួរតែពង្រីកឥទ្ធិពលរបស់ខ្លួនម្តងទៀតលើអតីតតំបន់សូវៀត៕
ការកាត់យកតំបន់ទាំងបួននឹងត្រូវធ្វើឡើងជាផ្លូវការនៅក្នុងពិធីធំមួយនៅក្រុងមូស្គូ
