Lesotho
This article was added by the user . TheWorldNews is not responsible for the content of the platform.

Moifo oa Thahameso o keteka lilemo tse leshome

By Staff Reporter

MASERU

Lenaneo la thelefishine ea Lesotho (Ltv) le itlhommeng pele ka ho hasa litaba tsa morao-rao tsa kantle le kahare ho naha, Thahameso, le ketekile lilemo tse leshome le thehiloe ka Labohlano le fetileng.

Lenaneo lena le qalile ka selemo sa 2010, ka sepheo sa ho ntlafatsa mananeo a litaba a thelefishine ea Lesotho, haholo-holo ho hlapolla le ho hlalosa ka botebo litaba tse amang sechaba; ka ho mema ba amehang ho bua le sechaba.

Keteko ena, e ileng ea thisa ka lebaka la kokoana-hloko ea Corona, e tšoaea lilemo tse 12 tsa kolo litabeng tsa bophatlalatsi ho latela tlhaloso ea moifo oa Thahameso ho baqolotsi ba litaba puong ea nakoana ketekelong ena.

A fana ka nalane ea lenaneo, Seboholi sa Thahameso, Monghali Thapelo Mabote o hlalositse hore ba hotse le ho ithuta bophelo ‘moho e le moifo oa Thahameso, tlasa maemo a boima a mosebetsi. A tsota boitelo ba basebetsi-mmoho le eena esita le lerato la mosebetsi le nelehetsano e mofutho ea tsebetso. “Ke qalile mona ke tsoa sekolong ke sa tsebe letho ka lintho tse ngata, empa haajoale ke motlotlo hore ke holetse ha har’a lenaneo lena. Ka ho fetisisa, ke rata tsela eo re tsepameng ka eona puong ea Sesotho, e leng e ‘ngoe ea mafapha a hlokang kelo-hloko haholo ho ruta sechaba sa rona ho nepa puo, ‘me re sebelitse hantle haholo ho fihlela haajoale,” a hlalosa.

Mohlophisi oa Lenaneo Monghali Moshoeshoe Molapo le eena o bontšitse ha Thahameso e hotse hahololo ho latela meoloane eo ba neng ba ipehetso eona, a re ‘moho ba atlehile ho beha lenaneo lena maemong a machaba. “Re ne re ipapisitse re bile re lelekisa ho tšoana le a mang a mananeo a litaba a itlhommenng pele, ‘me ke motlotlo ho cho hore re fihletse maemo ao, ra ba ra feta a mang a ona. Babohi ba rona le bona ba eketsehile haholo papisong le nakong e fetileng, ‘me re leboha tšeetso ea Basotho haholo,” a hlalosa. O bontšitse hape hore haa joale ba sa tobane le qholotso ea hore puo ea lenaleo e sa le Sesotho feela, ka hona ba sekisetsa karolo e ‘ngoe ea sechaba. A re ke takatso ea bona hore thelefishine e pharalle e le hore batho ba bangata ba une molemo tšebetsong ena e makhethe.

Ho sa le joalo, moifo o hlalositse ha tse ling tsa liqholotso e le lihora tse telele tsa tšebetso le hore hangata baeti ha ba finyelle lenaneong kaha le qala hoseng haholo. Ba ipilelitse ho sechaba ho ba le tšebelisano-mmoho le bona molemong oa ho matlafatsa tšebetso eo ba e etsang ka boitelo.

Letona la Likhokahanyo, Mahlale le Tšebeliso ea Mahlale Mohlomphehi Tsoinyane Rapapa o thoholelitse bohlophisi ba lenaneo lena, ka ho beha thelefishine ea Lesotho ‘mapeng machabeng e sita le kahare ho naha. A re; “Re motlotlo haholo hobane hangata batho ba lla ka tšebetso le bosebeletsi ba thelefishine ea Lesotho empa kajeno ke rata hore re ka thaba, ra keteka hammoho katleho le tsebetso e tsoileng matsoho ea lenaneo lena la Thahameso,” a rialo Letona.

Ketekelong ena, Thahameso e bile ea phatalalatsa letšoao le lecha la boikhabo ka katleho le tšebetso ea lilemo tse telele.

Moifo oa Thahameso o keteka lilemo tse leshome

Staff Reporter

MASERU

Lenaneo la thelefishine ea Lesotho (Ltv) le itlhommeng pele ka ho hasa litaba tsa morao-rao tsa kantle le kahare ho naha, Thahameso, le ketekile lilemo tse leshome le thehiloe ka Labohlano le fetileng.

Lenaneo lena le qalile ka selemo sa 2010, ka sepheo sa ho ntlafatsa mananeo a litaba a thelefishine ea Lesotho, haholo-holo ho hlapolla le ho hlalosa ka botebo litaba tse amang sechaba; ka ho mema ba amehang ho bua le sechaba.

Keteko ena, e ileng ea thisa ka lebaka la kokoana-hloko ea Corona, e tšoaea lilemo tse 12 tsa kolo litabeng tsa bophatlalatsi ho latela tlhaloso ea moifo oa Thahameso ho baqolotsi ba litaba puong ea nakoana ketekelong ena.

A fana ka nalane ea lenaneo, Seboholi sa Thahameso, Monghali Thapelo Mabote o hlalositse hore ba hotse le ho ithuta bophelo ‘moho e le moifo oa Thahameso, tlasa maemo a boima a mosebetsi. A tsota boitelo ba basebetsi-mmoho le eena esita le lerato la mosebetsi le nelehetsano e mofutho ea tsebetso. “Ke qalile mona ke tsoa sekolong ke sa tsebe letho ka lintho tse ngata, empa haajoale ke motlotlo hore ke holetse ha har’a lenaneo lena. Ka ho fetisisa, ke rata tsela eo re tsepameng ka eona puong ea Sesotho, e leng e ‘ngoe ea mafapha a hlokang kelo-hloko haholo ho ruta sechaba sa rona ho nepa puo, ‘me re sebelitse hantle haholo ho fihlela haajoale,” a hlalosa.

Mohlophisi oa Lenaneo Monghali Moshoeshoe Molapo le eena o bontšitse ha Thahameso e hotse hahololo ho latela meoloane eo ba neng ba ipehetso eona, a re ‘moho ba atlehile ho beha lenaneo lena maemong a machaba. “Re ne re ipapisitse re bile re lelekisa ho tšoana le a mang a mananeo a litaba a itlhommenng pele, ‘me ke motlotlo ho cho hore re fihletse maemo ao, ra ba ra feta a mang a ona. Babohi ba rona le bona ba eketsehile haholo papisong le nakong e fetileng, ‘me re leboha tšeetso ea Basotho haholo,” a hlalosa. O bontšitse hape hore haa joale ba sa tobane le qholotso ea hore puo ea lenaleo e sa le Sesotho feela, ka hona ba sekisetsa karolo e ‘ngoe ea sechaba. A re ke takatso ea bona hore thelefishine e pharalle e le hore batho ba bangata ba une molemo tšebetsong ena e makhethe.

Ho sa le joalo, moifo o hlalositse ha tse ling tsa liqholotso e le lihora tse telele tsa tšebetso le hore hangata baeti ha ba finyelle lenaneong kaha le qala hoseng haholo. Ba ipilelitse ho sechaba ho ba le tšebelisano-mmoho le bona molemong oa ho matlafatsa tšebetso eo ba e etsang ka boitelo.

Letona la Likhokahanyo, Mahlale le Tšebeliso ea Mahlale Mohlomphehi Tsoinyane Rapapa o thoholelitse bohlophisi ba lenaneo lena, ka ho beha thelefishine ea Lesotho ‘mapeng machabeng e sita le kahare ho naha. A re; “Re motlotlo haholo hobane hangata batho ba lla ka tšebetso le bosebeletsi ba thelefishine ea Lesotho empa kajeno ke rata hore re ka thaba, ra keteka hammoho katleho le tsebetso e tsoileng matsoho ea lenaneo lena la Thahameso,” a rialo Letona.

Ketekelong ena, Thahameso e bile ea phatalalatsa letšoao le lecha la boikhabo ka katleho le tšebetso ea lilemo tse telele.