Lesotho

PLMC e lokolla lihlopha ho ithehela matlole

By Sekoai Mahlaka

MASERU – Komiti e tsamaisang liki ea lihlopha tse kholo papaling ea bolo (PLMC), e fihletse tumellano le baokameli ba lihlopha tsa eona tse 14 hore sehlopha ka bomong se lokolohile hore se ka ithehela letlole la lichelete nakong ena eo kokoana-hloko ea corona e mpefalitseng maemo a moruo.

Sena se latela kopano eo PLMC e bileng le eona le bookameli ba lihlopha tsohle tsa Econet Premier League (EPL) bekeng e fetileng. Phatlalatsong e ntsͮitsoeng ke PLMC letsatsing la Labohlano, baokameli ba lihlopha tse 14 tsa EPL le PLMC ba fihletse tumellano ea hore sehlopha ka seng se ithehele letlole. PLMC e tla thusa lihlopha likopong tsa tsona tsa lithuso ho bo-rakhoebo le hotsoa sechabeng ka kakaretso. 

Qeto ena e beha khutlo nganyisanong ea PLMC le sehlopha sa Bantu FC kamor’a ho tjamelana sa sebope le setjamele libekeng tse fetileng nakong eo PLMC e neng e laela sehlopha seo ho emisa hang-hang ka letsͮolo leo le hlalositsoeng le tsͮoana le la eona. Kopano ea Bantu le PLMC le eona e ile ea tsoelapele ka letsatsi le tsͮoanang hona bekeng e fetileng, ‘me mahlakore ka bobeli a lumellane ho beha lihlomo fatše e le hore a sebetse ‘moho.

Puisanong le Lentsoe La Sechaba, Raliphatlalatso oa PLMC Monghali Moeketsi Ramakatsa o boletse hore bookameli ba lihlopha bo ile ba memeloa ho tla supa tsela mabapi le letlole le ntseng le tsoelapele la PLMC la ho batlela lihlopha tsoohle lithuso tsa lichelete. Letlole lena le reretsoe hore lihlopha tsoohle li tle li aroleloe litsiane ka ho lekana.

“Re ile ra mema bookameli ba lihlopha tsoohle ho tla eletsa na hoka sebetsoa joang ka letlole lena, ‘me tumellano e fihletsoeng ebile hore sehlopha ka seng se bolokolohing ba ho khakola letlole ka tsͮebeliso ea Ecocash eleng ea motšehetsi oa liki oa semmuso, Econet Telecom Lesotho (ETL),” Monghali Ramakatsa a rialo.

“Lihlopha li anngoe haholo ke seoa sena sa kokoa-hloko ea corona kaha mecha ea tsona ea ho iketsetsa chelete e koalehile nakong ena eo lipapali li ntseng li beheletsoe ka thoko. Lihlopha ‘moho le PLMC li bone eka ea eba bohlale hore PLMC e thusetse moo lihlopha li ka hlokang thuso ha li buisana le batšehetsi ‘moho le likh’amphani.”

Mabapi le letlole la PLMC, Monghali Ramakatsa o boletse hore le ntse le tsoelapele ka sepheeo se tsͮoanang, eleng ho khahlametsa lihlopha, leha ho fapana le sethatong ha le ne le kopa lithuso ho sechaba ka kakaretso le likh’amphani, le se le tla kopa lithuso hotsoa likhoebong feela ebile le sebelisa feela account ea Standard Lesotho Bank (SLB) bakeng sa ho bokeletsa litsiane.

“Ho lokolla lihlopha ho itsoellapele ka matlole a tsona ha ho bolele hore lena la PLMC le felile, le mpa le nka sebopeho se fapaneng,” Monghali Ramakatsa a hlalosa. “Sebopeho se secha sa letlole lena e tla ba ho kopa lithuso likh’amphaning tse ikemetseng eseng ho sechaba; ka hona mokhoa o tla sebelisoa oa banka ke oa khale oa banka ea Standard Lesotho Bank eseng oa likh’amphani tsa mehala ea thekeng.”

Phala ea sehlopha sa Bantu Monghali Bokang Phasumane o boletse ha a le motlotlo hore ebe sehlopha sa habo se fihletse tumellano le PLMC. A supa ha Amatsͮo Matebele a tla sebetsa ka thata ho bona hore letlole la sehlopha lea atleha. “Ha ele mona PLMC e qeteletse e chaetse monoana khato ena ea rona; makaota a se aka lahlela ka mokotleng oa sehlopha oa Ecocash kantle ho tsͮabo,” Monghali Phasumane a rialo. “Re tl’o bua le batsͮehetsi ba sehlopha sa rona ho hlompha PLMC haholo-holo litsing tsa khaso ea litaba tsa marang-rang kaha rea utloisisa hore re tla sebetsa ka khotso le PLMC.”

Raliphatlalatso oa sehlopha sa Linare Monghali Lebese Molati o boletse ha sehlopha sa habo se ne se se ntse se tsoelapele ka letlole leha le ne le fapane haholo le la PLMC. A bolela hore qeto ena ea PLMC e tla thusa Linare ho pharalatsa letlole ele ho intsͮa mathateng a lichelete. “Ke taba eo re neng re se ntse re ena le eona koano leha ele hore ene e fapane le eo ea PLMC ka hore re ne re kopa lithuso ho bahoebi re buisana le bona ka bomong hore ba thuse sehlopha,” Monghali Molati a rialo. “Sena se fihletsoeng ke PLMC ka kopanelo le bookameli ba lihlopha se tla etsa hore joale re atolose letlole leo ka ho le phatlalatsa litsing tsa khaso re bile re sebelisa litsͮebeletso tsa banka tsa mehala ea thekeng e amohetsoeng ke PLMC.”

Football news:

CAS did not establish the majority of Manchester City's alleged violations
Manchester City: the Club welcomes the decision of the CAS and thanks for the correct judicial process
Mourinho's classic plan for big matches worked perfectly. Arteta's crude Arsenal is a convenient target
Bartomeu on Xavi in Barca: There is a time for everything. We are not looking for a coach right now
Mourinho about the Europa League: Ask Hamilton if he wants to win Formula 2
Manchester City will play in the Champions League. CAS has accepted the appeal
Carragher on the Premier League: Liverpool can repeat success, but need transfers