Luxembourg
This article was added by the user . TheWorldNews is not responsible for the content of the platform.

16 Joer ale Jong festgeholl: Ee vun de berüümtste Beem an England steet net méi

16 Joer ale Jong festgeholl

De Bam am "Sycamore Gap" am Nordoste vun England war ënnert anerem duerch de Film "Robin Hood" mam Kevin Costner bekannt ginn.

Et war wuel ee vun den am meeschte fotograféierte Beem a Groussbritannien. Elo ass d'Plantan, déi eng 60 Kilometer westlech vun Newcastle am Nationalpark Northumberland stoung, Geschicht. Wéi den Nationalpark matdeelt, wier de Bam iwwernuecht warscheinlech express ëmgeluecht ginn.

De Bam war virun allem wéinst senger aussergewéinlecher Lag am sougenannten "Sycamore Gap" direkt um historeschen Hadrianswall bekannt. D'Plaz war eng vun den zentralen Locations fir de Film "Robin Hood" aus dem Joer 1991.

Op Biller ass ze gesinn, wéi de Bam direkt iwwert dem Buedem gehaen gouf - just de Stomp steet nach. D'Kroun vum Bam ass op den Hadrianswall gefall. Wéi den Nationalpark matdeelt, géif een elo mat den Autoritéiten an de Partnerorganisatiounen zesummeschaffen, fir de Virfall ze klären. D'Police huet en Donneschdeg am Nomëtteg matgedeelt, datt an deem Kader ee 16 Joer alen Jong festgeholl gi wier.
Déi Deputéiert Mary Foy huet d'Dot een "häerzzerräissenden Akt vum sënnlose Vandalismus un engem beléiften a berüümte Monument vum Nordosten" genannt. Vill Leit am ganze Land, an och uechter d'Welt, géifen ëm de Bam traueren.

I can’t express how angry I am at the vandalism of the tree at #SycamoreGap.

People have had their ashes scattered there. People have proposed there. I’ve picnicked there with my wife and kids. It’s part of our collective soul.

We must bring whoever did this to justice. pic.twitter.com/DLYcSj0tFE

— Mayor Jamie Driscoll (@MayorJD) September 28, 2023