Macedonia

ЕК: Српските власти ги повикаа меѓународните набљудувачи да го следат изборниот процес

Властите во Србија имаат испратено покана до меѓународните набљудувачи да учествуваат во мониторингот на изборниот процес и текот на парламентарните избори закажани за 21 јуни, соопшти Европска комисија.

Како што јави дописникот на МИА од Белград, српските власти веќе ја поканија ОДИХР да ги набљудува парламентарните избори закажани за април, кои сега се одложени за 21 јуни.

Од ЕК додаваат дека властите во Белград испратиле таква покана и до Европскиот парламент.

– Важно е да се исполнат условите за испраќање на меѓународна мисија за набљудување, предводена од ОДИХР, која ќе врши мониторинг на изборните услови, изборната кампања и спроведувањето на гласањето во Србија, соопшти ЕК.

ЕК претходно ги повика властите во Србија да обезбедат услови за испраќање на меѓународни набљудувачи за мониторинг на целиот изборен процес, како и да ги „надгради и целосно спроведе“ обврските преземени во рамките на внатрепартискиот дијалог што го спроведуваше Европскиот парламент.

– Сега е поважно од кога било сите граѓани и политички актери да имаат целосна доверба во интегритетот на изборниот систем, велат од ЕК, додавајќи дека „улогата на слободните медиуми е важна, каде сите политички актери мораат да имаат еднакви услови“ како и проактивната улога на медиумските регулатори.

Како дел од Проектот за поддршка на изборите во Западен Балкан, ОДИХР беше вклучена во подготовка и следењето на изборниот процес во Србија.

Според веб-страницата на организацијата, целта на проектот, во кој се вклучени и Црна Гора, БиХ, Северна Македонија и Албанија, е да се подобри капацитетот на државните органи за спроведување избори, да се зголеми точноста на избирачките списоци и процесот на регистрација на гласачите. Исто така, проектот вклучува ефикасна координација на процесот на попис на населението и јавен надзор на избирачките списоци, подобрување на знаењето и капацитетот на телата за регулирање на медиумите, со цел следењето и регулирањето на однесувањето на медиумите за време на изборите да „придонесува за плуралистичка и фер кампања“.

Пред прекинот на изборниот процес поради епидемијата на Ковид-19 и воведувањето на вонредна состојба, претставниците на ОДИХР во неколку наврати беа во посета на Србија.

Football news:

Milan will offer 25 million euros for Celtic defender Ayer
Klopp on plans: Four years at Liverpool. After that, I want to do nothing for a year
Rogers Pro 1:4 with Bournemouth: Leicester play well only 45 minutes after the break
Inter and Roma are Interested in Garay
Liverpool want to sell Lovren, not let Him go as a free agent. Zenit are Interested in the player
PSG defeated Le Havre (9:0) in a friendly match. The game with Atalanta in the Champions League is in a month
Hazard was included in real's bid for the match with Granada, Hames-no