Претседателот на Русија, Владимир Путин денеска ќе одржи владина седница преку видеоконференциска врска, соопшти Кремљ.

Одлуката е донесена само еден ден откако беше потврдено дека лекарот, кој минатата недела се сретна со Путин, е позитивен на корона вирусот.

Путин минатата недела посети болница во Москва, каде што се згрижени пациентите заразени со Ковид-19, при што се ракуваше со директорот на болницата, Денис Прошенко, кој сега е во самоизолација во својата канцеларија.

Кремљ додаде дека здраствената состојба на Путин е добра, но дека тој ќе држи дистанца од другите луѓе и ќе работи од далечина.

Во Русија досега се регистирани 2.777 лица заразени со корона вирусот, од кои 24 починаа, а 190 оздравеле.