Премиерот Албин Курти денеска рече дека изјавите во Белград за убиства и насилство зборуваат „за нив и нивната имагинација и планови, а не за Косово“.
„Прво, врз основа на победата во февруари минатата година, јас сум премиер на надеж и напредок, додека во Србија имате претседател на страв и закани. Кога во Србија зборуваат за насилство, зборуваат за себе не зборуваат за нашата република, нашите институции зборуваат за нас, рече Курти.
Шефот на владата во Приштина додаде дека Косово е за долгорочен мир и стабилност.
„Први август требаше да биде целосно мирен, но на 31 јули беа подигнати барикади од луѓе кои охрабруваа и организираа и финансираа паралелни структури кои станаа криминални банди. Па кога зборуваат, зборуваат за себе, ние сме за долгорочен мир и стабилност и треба да ги заштитиме не само суверенитетот и територијалниот интегритет, туку и демократијата, владеењето на правото и никогаш да не го заборавиме напредокот“, рече Курти.
