Macedonia

Македонската амбасада во Софија како „село без кучиња”

И во време кога со Бугарија се води дипломатска битка за решавање на спорот, кревање на ветото од Софија и отворање на патот кон преговори со ЕУ, македонските власти никако да соберат сила и да изберат амбасадор што ќе нѐ претставува во Бугарија. Не дека тој ќе го реши проблемот, но барем ќе личиме на нормална и сериозна држава. Но и ќе покажеме барем малку почит кон соседната земја и, како што вели премиерот Зоран Заев, братскиот народ.

Дали навистина во земјава нема соодветен кадар, било дипломат или некој друг, што може да нѐ претставува во Бугарија или, пак, партиите во владејачката коалиција никако не можат да се „испазарат“? Во време кога меѓународната заедница, особено САД, барем според официјалните изјави, ја притиска Бугарија, Македонија никако не успева да најде амбасадор.

Зошто нема уште договор за амбасадор, нема одговор од трите институции што се директно вклучени во преговорите и договорите за пополнување на амбасадорските места. И ако до пред неколку месеци велеа дека се водат разговори, сега од Владата, од Министерството за надворешни работи и од Кабинетот на претседателот – молк. Во ниту една од нив или нема информација или нема одговор на нашето прашање до каде се разговорите.

Оценката на некои македонски искусни дипломати е дека клучната работа е во партиите што ја поделија власта, но велат дека вака не се води кадровска политика.

„Ова што се случува кај нас веќе е непристојно. Уште малку ќе поминат две години од враќањето на амбасадорот Ѓорчев, а овде абер немаат да постават друг човек.

Во земји со изградени принципи на кадровска политика, во кои предноста секако ја има квалитетот и историјата на дипломатот, познавање на состојбите, искуството, јазиците, не може да се направи вакво промашување. Тој човек што треба да оди надвор, особено во соседните земји, треба да се подготвува неколку месеци и никој да не знае дека тој ќе биде таму.

Но во Македонија очигледно, кога се работи за партиска кадровска политика кога во една коалиција се повеќе партии, ниту можеш да очекуваш нешто, ниту пак, нешто ќе ти биде неочекувано“, вели за МКД.мк поранешниот амбасадор и член на Советот на амбасадори, Љупчо Арсовски.

Љупчо Арсовски

Македонската амбасада во Софија не е единствената што стои празна, без амбасадор, но ситуацијата со Бугарија е специфична поради сето она што се случува во односите меѓу двете земји. Според Арсовски, Софија е проблематична и по враќањето на Ѓорчев требаше веднаш да се испрати нов амбасадор, кој директно на лице место „ќе се бори“ со домаќините.

„Мора да биде јасно дека амбасадор не значи само пренесување што има во тамошните медиуми, туку треба да прави, на пример, проценки за новите политички сили во земјата, што значат потезите на политичките партии, со кого може да се разговара и што може да се очекува и слично. А во Софија не само што нема амбасадор, туку нема ни некој посебен персонал. Тоа личи на ‘село без кучиња‘. И прашање е колку на Бугарите им одговара ваквата состојба“, ни изјави Арсовски.

Друго прашање е колку ова му штети на имиџот на државата во таа земја. Од Бугарија неколкупати стигнаа изјави дека не испраќаме амбасадор, а како што вели Арсовски, ова може да се толкува и како немање почит кон таа држава. Кога претседателот ќе испрати некого за амбасадор во друга држава тоа значи степен на најголема доверба.

Кога се зборува за случајот со Бугарија, поврзано и можеби уште поважно е што Македонија нема амбасадор ниту во Вашингтон. Добро е што новиот американски специјален пратеник за Западен Балкан, Габриел Ескобар, неодамна изјави дека е „погрешно Бугарија да користи билатерален спор за да ги спречи аспирациите на Северна Македонија за ЕУ. Тие билатералниот спор го претвораат во мултилатерално прашање што влијае на сите нас“. Ваквата изјава беше оценета како американски притисок врз Софија да го крене ветото за Скопје, но сѐ е попусто кога ни во Вашингтон немаме човек што ќе тропне на вратата на Стејт департментот.

Можеби Американците имаат свои причини, но оценките се дека сакаат на Балканот да нема повеќе размислување, освен за ЕУ, и тоа им одговара .

И додека ние му се радуваме на секој збор поддршка во спорот со Бугарија, во Министерството за надворешни работи никако да најдат време и да ја сменат информацијата за македонски амбасадор во Бугарија. Уште стои дека таму нѐ претставува Марјан Ѓорчев, кој патем се врати на 31 март лани и оттогаш напиша книга, а за амбасадата нема ниту збор, односно „во моментот не постојат информации“.

Ж.П.Б.

Football news:

Ajax fans set off fireworks at the stadium at the match with Borussia
Guardiola on coronavirus: I am vaccinated, I trust doctors and scientists. We see how many deaths there are in England
Griezmann caught up with Giroud in goals in the Champions League (35) and shares 5th place with him among the French
In Amsterdam, fireworks are not only on the field, but also in the stands. The public relations of Ajax and Borussia fans
Mbappe has 46 (28+18) points on the goal+pass system in 48 games in the Champions League
Atletico conceded twice before the 15th minute for the first time under Simeon
Guardiola pro 5-1 with Brugge: One of Man City's best games in European competitions