Macedonia
This article was added by the user . TheWorldNews is not responsible for the content of the platform.

ЦУК: Вчера 33 пожари на отворено, денеска пожарите почнаа од мугрите

Во текот на вчерашниот ден биле регистрирани 33 пожари во 23 општини, од коишто 30 се изгаснати. Според информациите што стигнаа до Секторот за операции и координација во Центарот за управување со кризи, противпожарните тимови (некаде заеднички – здружени од повеќе општини) изгаснале 30 пожари до утрово, а три се уште се евидентираат како активни до утрово, извести ЦУК.

Карактеристично, за вчерашните пожари, е што до пладне немало пријавено пожари – нивното појавување почнало од 13.15 часот. Тогаш наеднаш се пријавени три пожари: два во Скопско и еден во Струмичко, а поголемите пожари почнаа на крајот на денот и доцна во ноќта, а последниот вчерашен беше пријавен во 23.20 часот – пожарот над село Новоселани во правец кон село Лепопелци во Општина Чешиново-Облешаво, велат од ЦУК.

При вчерашните пожари горела сува трева, ниска вегетација, мешана и борова шума, а и прагови на железничка пруга. Конкретно, при пожарот што започнал околу 14:30 часот и се уште е активен, кај село Слепче во Општина Долнени била зафатена ниска вегетација, грмушки и дел од праговите на железничката пруга. Заради опожарување на железничките прагови, а и заради работа за промена на истите, железничкиот сообраќај Скопје – Битола – Скопје, не се одвива. Покрај овој пожар кај село Слепче, активни се уште два, во: Општина Прилеп, кај село Алинци, каде што горела сува трева и ниска вегетација и во Општина Сарај, кај село Радуша при што прво горела депонија, а потоа пожарот се раширил во околната вегетација и во Општина Долнени, кај село Слепче, каде што гореле сува трева, грмушки и железнички прагови. Заради опожарување на железничките прагови, односно поради промена на истите, железничкиот сообраќај Скопје – Битола – Скопје, не се одвива, додаваат од ЦУК.

Инаку, овој ден, за разлика од вчерашниот кога сите 33 пожари беа попладне и во ноќта, денеска денот, од мугрите, почнува со пријавен пожар во 06.50 часот. Конкретно, Регионалниот ЦУК Куманово извести дека пожарникарите од Територјалната противпожарна единица ТППЕ Крива Паланка од 06:50 часот, со четири пожарникари и со едно противпожарно возило интервенираат на пожар кај село Градец, каде што гори сува трева и борова шума.

ЦУК апелира до граѓаните, да се воздржат од палење огнови на отворено и да не палат отпадоци дури и во нивните дворови, бидејќи ветерот многу лесно може огнот да го пренесе на околната вегетација што е многу сува, а е и многу нарасната оваа година.