Mongolia

This article was added by the user . TheWorldNews is not responsible for the content of the platform.

ҮХЦ: Ерөнхий прокурор, ерөнхий шүүгч, цэцийн гишүүнийг томилохдоо сонсгол явуулж болохгүй

2023-09-27

Үндсэн хуулийн цэцийн Дунд суудлын хуралдаанаар иргэн н.Батмөнхийн гаргасан мэдээллийг хэлэлцлээ.

Иргэний зүгээс "УИХ-аас 2021 оны арванхоёрдугаар сарын 24-нд баталсан УИХ-ын хяналт шалгалтын тухай хуулийн 29 дүгээр зүйлийн 29.1.1, 29.1.2 дахь заалт, Авлигын эсрэг хуулийн 21 дүгээр зүйлийн 21.1, 21.2, Монгол Улсын Үндсэн хуулийн цэцийн тухай хуулийн 3 дугаар зүйлийн 1, УИХ-ын чуулганы хуралдааны дэгийн тухай хуулийн 102 дугаар зүйлийн 102.1 дэх хэсгийн зарим заалт Үндсэн хуулийн холбогдох заалтыг зөрчсөн байна" гэж үзэн Цэцэд мэдээлэл ирүүлжээ.

29.1.Эрх бүхий этгээдээс хуульд заасны дагуу санал болгосон нэр дэвшигчтэй холбогдуулан Улсын Их Хурлаас дараах нэр дэвшигчийн сонсгол явуулна:

29.1.1.Үндсэн хуулийн цэцийн гишүүн, Шүүхийн ерөнхий зөвлөлийн шүүгч бус гишүүн, Шүүхийн сахилгын хорооны шүүгч бус гишүүн, Хүний эрхийн Үндэсний Комиссын гишүүн, Эрүү шүүлтээс урьдчилан сэргийлэх асуудал эрхэлсэн гишүүн, Авлигатай тэмцэх газрын дарга, дэд дарга, Сонгуулийн ерөнхий хорооны гишүүн, Олон нийтийн радио, телевизийн Үндэсний зөвлөлийн гишүүн, Төрийн албаны зөвлөлийн гишүүн, Монгол Улсын Ерөнхий аудитор, Монголбанкны Ерөнхийлөгч, Тэргүүн дэд, Дэд ерөнхийлөгч, Санхүүгийн зохицуулах хорооны дарга, гишүүн, Санхүүгийн зохицуулах хорооны Хяналтын зөвлөлийн дарга, Үндэсний статистикийн хорооны дарга, Монголбанкны Хяналтын зөвлөлийн даргын албан тушаалд томилуулахаар Улсын Их Хуралд санал болгосон нэр дэвшигчийн талаарх томилгооны сонсгол;

29.1.2.Улсын Их Хурлаас нэр дэвшигчийн сонсгол явуулахаар хуульд тусгайлан заасан, эсхүл Улсын Их Хурал танилцах, зөвшилцөх, томилохоор хуульд заасан албан тушаалтны хувьд танилцах, зөвшилцөх, томилгооны сонсгол явуулахаар Улсын Их Хурлын есөөс доошгүй гишүүн хүсэлт гаргасан бол.

Үндсэн хуулийн цэц дээрх хоёр заалт нь Үндсэн хууль зөрчиж байгаа эсэхийг хэлэлцээд "Ерөнхий прокурор, Ерөнхий шүүгч, Цэцийн гишүүнийг томилохдоо сонсгол явуулахаар хуульчилсан нь Үндсэн хууль зөрчиж байна" гэж дүгнэлээ. Цэц ийм дүгнэлт гаргахдаа "УИХ-ын хяналтад байх ёсгүй, хараат бус байх ёстой Ерөнхий прокурор, Ерөнхий шүүгч, Цэцийн гишүүнийг томилохдоо сонсгол явуулж болохгүй" гэж үзсэн байна. Харин Иргэний нийгмийн байгууллагууд уг дүгнэлтийг шууд ардчиллын эсрэг маш том ухралт боллоо гэж үзэж байна.

УИХ-аас томилсон итгэмжлэгдсэн төлөөлөгч Г.Ганболд гишүүн гадаадад томилолттой тул хуралд оролцоогүй бөгөөд хурлыг хойшлуулах хүсэлт гаргаагүй учир Цэц УИХ-ын итгэмжлэгдсэн төлөөлөгчгүйгээр хуралдаж дүгнэлтээ гаргалаа. Цэцийн дүгнэлтийг УИХ ээлжит чуулган эхэлснээс хойш тав хоногийн дотор хэлэлцэх хуулийн зохицуулалттай.