Mongolia

This article was added by the user . TheWorldNews is not responsible for the content of the platform.

Украин: Дайны III шат, НҮБ-ыг өдөөн хатгав

2022-05-02

Монголчууд энэ дайны тухай Оросын талын мэдээлэл хангалттай хүлээн авч байгаа тул мэдээллийн тэнцвэртэй

байдал хангах үүднээс АНУ-ын Гудзоны институтын цэрэг-улс төрийн анализын төвийн захирал Ричард Вайцын ICTV-д ярьснаас тайлбаргүй сонирхуулъя. Энэ бол sonin.mn сайтын байр суурь биш гэдгийг хариуцлагатайгаар мэдэгдэж байна.

НҮБ-ын ЕНБД-ыг Киевт айлчилж явахад нь пуужингаар харваж өдөөн хатгаснаараа ОХУ нь НҮБ-ыг нулимсан хэрэг болов. Олон улсын хамтын нийгэмлэгийн эсрэг дайсагнаж байгаа нь харагдлаа. Орос олон улсын тавцанд бүрэн ганцаардах тусам улам түрэмгий, хяналтгүй болж байна. НҮБ-ын ЕНБД-ыг Киевт байхад нь пуужингаар тус хотын орон сууц руу харвасан нь үүний нотолгоо боллоо. Соёлт ертөнцийг нь бүгдийг нь дайсагнахад бэлэн байна.

Украины эсрэг өдүүлэх Оросын дайны тухай би хоёрдугаар сарын 9-нд аналитик өгүүлэл бичсэн. Түүндээ боломжит сценар төсөөлөхийг оролдсон. Энэ прогноз маань үндсэндээ зөв байжээ. Путин ба түүний цэргийн удирдлага энэ улсыг бүхэлд нь эзлэхийг зорьсон нь үнэн боллоо. Тусгай ажиллагаа гэсэн нэрээр явуулсан довтолгоо хоёр үе шатнаас бүрдэнэ гэсэн нь ч үнэн болж таарлаа. Эхнийхээ үе шатыг дуусгасан, II үе шат нь одоо явагдаад дуусч байна. Орос өөрөө маш их хохирол амслаа. Эхний хоёр үе шатны довтолгооны гол үр дүн энэ байна. Одоо III үе шат руугаа орохоос аргагүй болно. Ямар ч үнээр хамаагүй Мариуполиос Приднестр хүртэл нутаг дэвсгэрийн зурвас гаргаж авах нь III үе шатны гол зорилт байх болов уу. Ингэснээр Украиныг тэнгисийн эргээс нь бүрэн салгаж эх хуурайд нь хашна. Араас нь Белоруссаас довтолоход Украин нь өмнө, зүүн, хойноосоо бүрэн бүслэгдэнэ. Харин Орос ингэж чадах уу гэдэгт л гол асуудал байна. Өдөр болгоны довтолгоон давшилтын явцад Оросын хүлээж буй цэрэг зэвсгийн хохирлыг тооцвол, Украины зэвсэгт хүчний хориглон тулалдаж байгаа, үе үе сөрөг давшилт хийж байгаагаар бол Оросын энэ тооцоо хэрэгжих магадлал байхгүй.

“Москва” хэмээх крейсерээ сөнөөлгөснөөс хойш Орос Хартэнгист ямар нэгэн томхон операц явуулах боломжоо хасуулсан. Тэнгисийн цэргийн десантаа тэр чигт нь Мариупольд буулгаад байлдуулчихсан учраас Одесс руу тэнгисээс десант буулгах боломж багассан. Гэхдээ тэр төлөвлөгөөнөөсөө Орос татгалзахгүй.

Гол асуудал Өрнөдийн орнуудаас үзүүлж буй зэр зэвсгийн тусламж Украины дараа дараагийн ялалтын баталгаа болно. Цэрэг ба санхүүгийн тусламж энэ улсыг цааш нь улам итгэлтэй байлдуулах бол Оросын зэр зэвсэг ба бэлтгэгдсэн цэргийн нөөц дуусах тийшээ хандаж байна. Тэгэхдээ их савны ёроол гэдэг шиг Орос орон даяар эрж хайвал хаанаас л бол хаанаас цэрэг, байлдааны техникээ татан байлдуулах бололцоотой, нэг хэсэгтээ.

Украины арми оросын 190 тийрэлтэт нисэх онгоц, 150 гаруй байлдааны нисдэг тэргийг сөнөөчихсөн байгаа нь НАТО-гийн хэмжүүрээр, Европын давчуу газар орон зайд бол хэрээс хэтэрсэн том ялалт гэж тооцогдоно. Хоёр зуу орчим орчин үеийн байлдааны нисэх онгоцоо сөнөөлгөнө гэдэг бол Оросын зэвсэгт хүчний түүхэнд байгаагүй том тоо, том гай гамшиг юм.

Бид өдөр бүр дайны мэдээ авч байна. Украины мэдээлэл НАТО, Европын Холбоо, Капитолын ордныг үнэхээр гайхшруулж байна. Ийм их хохиролтойгоор дайн хийж байгаа Оросын удирдлага командлалыг үнэхээр ойлгохгүй байна. Зөвхөн 5 дугаар сарын 9-ний Ялалтын баяртаа бэлэг барихаар ингэж олуулаа алуулаад, байлдааны техникээ гарздаад байгааг бүр ч ойлгохгүй байна. Ийм их үхэл хагацалаар “5.9”-ний баяр тэмдэглэх хэрэг байна уу? Улаан талбайн баярт гадаадын нэг ч зочин, тэр ч байтугай цорын ганц холбоотон Белоруссынх нь Ерөнхийлөгч очихгүй гэсэн мэдээ түглээ. Тэр үнэн бол Ялалтын баярын уламжлал үгүй болж байгаа юм байна.

Харин Украины эр зориг, алдар гавьяаг дэлхий даяараа шагшиж байна. Яаж ингэж хамгаалж, оновчтой байлдаж чадаж байна вэ? Тэр хэрээр Украинд олигтой туслахгүй, харин Оростой харилцаатай байсныг нь бодохлоор Герман, Францыг шүүмжлэхээс аргагүй болж байна. Харин тэгж шүүмжилсэн нь НАТО, Европын Холбооны дотор хуваагдал үүсгэхгүй гэж бодож байна. Украин ялагдахгүй байх тусам, Орос харгислах тусам Украиныг ЕХ-нд элсүүлж авах асуудал маргаангүй өрнөнө хэмээн АНУ-д үзэж байна. Энэ дайны явц ба уур амьсгалыг Украин тодорхойлж байгааг бид харж байна.

Мэдээж дайнд хөндлөнгөөс АНУ, ЕХ, НАТО оролцохгүй хэмээн илээр мэдэгдэж байгаа боловч Украинд туслах нь бидний хувьд нэр төрийн ариун үйлс болчихоод байна. Украинд туслахаар өрсөлдөцгөөж байна, Киевт айлчлан очих гадаад орнуудын төрийн тэргүүн нарын жагсаалт гарсан байна. G20 бүлгийн дээд хэмжээний уулзалтад Путины оронд Зеленскийг урьчихлаа. Оросын орон зайг Украинд шилжүүлэх нь ч тодорхой болчихлоо.

Харин Орос аман заналхийллээ ажил хэрэг болгож үйл олноор хөнөөх зэвсэг, тухайлбал хими, биологи, эсвэл цөмийн зэвсэг хэрэглэх дээрээ тулбал асуудал өөрөөр эргэнэ. Орост тэгэх зориг зүрх дутах байх. Харин тэгж заналхийлснээрээ дайны явцыг эргүүлнэ, Өрнөдийн тусламжийг зогсоолгоно, бас Хятадыг холбоотноор энэ хэрэг явдалдаа татан оруулна гэж тооцвол эндүүрэл болно.

Энэ дайн хэзээ дуусах нь тодорхойгүй байна. НҮБ-ын зуучлал явахгүй нь тодорхой байна. Оросын хүч нөөц хэзээ дуусна тэр үед дайн дуусна гэсэн таамаглал байна. Жишээ нь танкаа дуусгах болоогүй байна. Танкны хохирол 1000:300 буюу оросынх гурав дахин их байгаа ч цаана нь хэдэн зуун танк дайндаа оруулчихаад давшуулж байна. Дайн өрнөх тусам Орос дайсан улсуудынхаа тоог нэмэх нь бас ойлгомжтой. Одоо дайсан улсын жагсаалтдаа Молдова, Гүрж, Польш, Балтийн гурван улсыг оруулчихаад байгаа ч цаашаа хэд болж өсөхийг мэдэхгүй. Нэмэгдэж таарна гэжээ.

Англи хэлнээс орчуулсан Д.Номиндарь