Malta
This article was added by the user . TheWorldNews is not responsible for the content of the platform.

L-Ingilterra u l-Italja miżmuma

L-Ingilterra kienet miżmuma fi draw ta’ 1-1 mill-Ukrajna f’logħba li ntlagħbet fil-grawnd newtrali ta’ Wroclow fil-Polonja.

Din kienet waħda minn żewġ logħbiet li ntlagħbu lbieraħ mill-grupp li fih hemm ukoll Malta.

Iż-żewġ goals li ddeċidew dan il-konfront kienu skorjati fl-ewwel taqsima fejn kien Zinchenko li fetaħ l-iskor għall-Ukrajna u Kyle Walker kiseb id-draw għall-Ingilterra li b’hekk waqqgħu l-ewwel punti tagħhom fil-grupp.

Fil-logħba l-oħra fi Skopje diżappunt ieħor għall-Italja li kienu miżmuma draw mill-Maċedonja Ta’ Fuq, riżultat li issa jfisser li l-Italja qed jirriskjaw serjament l-eliminazzjoni.

L-Italja għall-ewwel darba taħt it-tmexxija ta’ Spalletti, marru minn fuq b’daqqa ta’ ras ta’ Immobile fil-bidu tat-tieni taqsima iżda Bardhi kiseb id-draw direttament minn freekick.

Rebħa kbira kisbu l-Iżvezja barra minn darhom fejn f’Tallinn skorjaw ħamsa kontra l-Estonja. 

Għall-Iskandinavi goals ta’ Gyokeres, Kulusevski u Isak fl-ewwel taqsima u tnejn oħra ta’ Quaison u Claesson wara l-intervall.

Il-Belġju kisbu rebħa minima f’Baku kontra l-Azerbaijan grazzi għal goal ta’ Carrasco fit-38 minuta.

Riżultati

Azerbaijan v Belġju 0-1

Andorra v Belarus 0-0

Estonja v Żvezja 0-5

Ukrajna v Ingilterra 1-1

Kosovo v Żvizzera 2-2

Maċedonja v Italja 1-1

Rumanija v Iżrael 1-1