Nepal

एक हप्तामै साझा सञ्चालनमा- बसभित्रै सामाजिक दूरी,यात्रुको मुखमा मास्क

साझा यातायातले सार्वजनिक यातायात सञ्चालन गर्ने तयारी थालेको छ।

नेपाल सरकारको निर्णयअनुसार विभिन्न मापदण्ड पूरा गरेर यातायात सेवा सञ्चालनको तयारी थालेको सञ्चालक समितिका सदस्य भूषण तुलाधरले जानकारी दिए।

‘अहिले गाडी मर्मत सम्भारको काम भइरहेको छ र गाडीका चालक सहचालकहरूलाई पनि बोलाएका छौं। सकियो भने १ गतेदेखि नै गाडी चलाउने तयारीमा छौं,’ तुलाधरले सेतोपाटीसँग भने।

सरकारको निर्देशन अनुसार सामाजिक दूरी कायम गरी, चालक सहचालकलाई पन्जा, मास्क, सेनिटाइजर अनिवार्य प्रयोग गर्न लगाई गाडी सञ्चालन गरिने उनले बताए।

यात्रुले पनि अनिवार्य मास्क प्रयोग गर्नुपर्ने र सिटमा सामाजिक दूरी कायम गरिने तुलाधरले जानकारी दिए।


साझाका सबै गाडी एकैपटक सञ्चालन भने नहुने उनले स्पष्ट पारे।

‘धेरै चालक–सहचालक उपत्यकामा हुनुहन्न। अहिले आइहाले पनि केही दिन काममा पठाउँदैनौं। सीमित स्टाफबाट सीमित रुटमा गाडी चलाउने तयारी छ,’ तुलाधरले भने, 'अझै केही समय यात्रुको चाप कम हुने देखिन्छ त्यसकारण हामी पहिले एउटा रुटमा जति गाडी गुड्थ्यो त्यो संख्यालाई घटाउँछौं।’

दैनिक रूपमा गाडीलाई डिस्इन्फेक्सन गरेर मात्रै गाडी सञ्चालन गरिने उनले जानकारी दिए।

Football news:

Tuchel asked PSG to buy Alaba from Bayern. The player wanted to receive 20+ million euros a year
Messi-Casillas: you are an incredible goalkeeper. It was a beautiful rivalry that made you overcome yourself
Ferran Torres: Ronaldo was the best. He is an example for everyone who wants to achieve the maximum in football
Barcelona cannot agree with Ter Stegen on a new contract. The goalkeeper wants to stay
We found out how the fascinating logo of Iceland appeared: Game of thrones has nothing to do with it, the source of audacity is the success of the national team
Ronaldo-Casillas: Proud that we shared great moments
Bayern want to sell Boateng in the summer. The club has no offers yet