Nepal

‘हामीलाई घर पठाऊ, नभए गोली हान’ भन्दै दाङमा भारतीय मजदुरको प्रदर्शन

६ जेठ, काठमाडौं । दाङका इँटा भट्टामा कार्यरत भारतीय मजदुरहरुले आफूहरुलाई स्वदेश फर्काइदिन माग गर्दै घोराहीमा प्रदर्शन गरेका छन् । हिन्दी भाषमा ‘नेपाल सरकार हामीलाई घर पठाऊ होइन भने यहीँ गोली हान्देऊ’ लेखिएका नारासहित उनीहरुले प्रदर्शन गरेका हुन् ।

लकडाउनसँगै इँटाभट्टामा काम बन्द भएपछि भारतका मजदुरहरु सोमबार साँझ आफैं गाडीको व्यवस्था गरेर घर जाने भन्दै घोराहीबाट नेपालगञ्जतर्फ प्रस्थान गरेका थिए ।

तर, बाँकेको नरैनापुरका धेरै व्यक्तिमा कोरोना संक्रमणको समाचार सार्वजनिक भएपछि उनीहरुलाई दाङ प्रहरीले बाँकेको सिमाना अमेलियाबाट फर्काएर पुनः घोराही ल्याएको थियो ।

घर जान रोकेको आक्रोशमा उनीहरु मंगलबार बिहानै प्रदर्शनमा उत्रिए । प्रदर्शनमा महिलार बालबालिकाहरु पनि थिए ।

दाङ प्रहरी प्रमुख एसपी गणेश चन्दले भारतीय मजदुरहरुलाई फर्काउन बाँके प्रशासनसँग पहल गरिरहेको बताए । ‘बाँकेको सीडीओसा’बसँग हाम्रो समन्वय भइरहेको छ । डीआईजीसा’बले पनि पहल गरिराख्नु भएको छ । आज वा भोलि केही न केही निकास निस्किएला,’ उनले भने ।

दाङका बिभिन्न इँटा उद्योगहरुमा करिब ६ हजार भारतीय मजदुरहरु रहेको अनुमान छ । कतिपय लकडाउन सुरु भएलगत्तै फर्किए पनि अझै करिब ३–४ हजारको संख्यामा दाङमा हुन सक्ने एसपी भट्टराई बताउँछन् ।

हिउँदका महिना इँटा उत्पादन गर्ने सिजन हो । वर्षा सुरु भएपछि यो काम बन्द हुन्छ । लकडाउन तत्काल खुल्ने संकेत भएको र वर्षा पनि केही महिनामै सुरु हुने भन्दै उनीहरु घर फर्किन चाहेका छन् ।

घोराही उपमहानगरपालिका–१२ स्थित गोल्ड इँटा उद्योगमा कार्यरत भारतीय मजदुर तिलकराम चौहानले काम बन्द हुँदा खान बस्न गाह्रो भएको बताए । ‘साहुले रासन बन्द गरिदिएको छ । घर जान पाए खान बस्ने समस्या हुने थिएन,’ उनले भने ।

तर, कोरोना भाइरस संक्रमण रोकथाम तथा नियन्त्रणका लागि नेपाल र भारत दुवै देशले सिमाना बन्द गरेका छन् । नेपाल आउन चाहने धेरैजना भारतीय सीमा क्षेत्रमा र भारत जानेहरु नेपालकै भूमिमा रोकिएका छन् । उनीहरुले जतिसक्यो छिटो आफूहरुलाई आफ्नो देश जान दिनुपर्ने माग राख्दै आएका छन् ।

दाङ देउखुरी इँटा व्यवसायी समितिका अध्यक्ष रोम वलीले उद्योग बन्द भएपछि भारतीय मजदुरलाई घर फर्काउने प्रयास गरे पनि स्थानीय प्रशासनले प्रक्रियामा ढिलाइ गर्दा कतिपय मजदुर भागेर जान थालेको बताए ।

दाङको सिमाना कोइलाबासबाट पनि भारत जान सकिने भए पनि हाल त्यसलाई बन्द गरिएको छ । त्यसैले बाँकेको नेपालगन्ज हुँदै आउजाउ गर्नु पर्दछ । त्यसका लागि जिल्ला प्रशासन कार्यालय बाँकेसँग समन्वय गर्नुपर्छ ।

यसअघि बाँके र भारतको बहराइच प्रशासनले नेपाल–भारत सीमा क्षेत्रमा अलपत्र परेका २ हजार बढी मजदुरहरुलाई आदान प्रदान गरेका थिए ।

Football news:

Bellerin will pay for the mass planting of trees, despite the fact that Arsenal did not win against Leicester
Bayern claims 19-year-old left back Bara from Lyon
Jovich's friend has a coronavirus. The Real Madrid forward was isolated at home
Hazard has an ankle problem and may miss the game with Alaves
Agent Fedele: Manchester City are very close to buying Coulibaly
West ham Moyes can sign Lingard and Jones from Manchester United, if not relegated from the Premier League
Ennio Morricone's heart belonged to music and rum. The composer was asked to write the club's anthem, and Totti went to his hit