Nepal

नारायणी नदीमा दुई महिनाभित्रै ‘मिनी पानीजहाज’ चल्ने

४ साउन, चितवन । निर्माणाधीन ‘रिभर क्रुजसिप’ दशैं अगाडि नै सञ्चालनमा आउने भएको छ । राइनो वाटर ईन्टरटेन्मेन्ट प्रा.लिले काप्रेघाटमा निर्माण गरिरहेको क्रुजसिपलाई पानीमा राखेर गरिएको परीक्षण सफल भएको छ ।

राइनो वाटरले शनिबार भरतपुरमा पत्रकार सम्मेलन गरी क्रुजसिप दशैं अगाडि निर्माण सकेर सञ्चालनमा ल्याइने जानकारी दिएको छ । नर्वेजियन प्रविधि प्रयोग गरेर भारतीय प्राविधिकको सहयोगमा नारायणी किनारामै ‘क्रुजशिप’ निर्माण गरिरहेका छन् । भारतीय र नेपाली गरी ५० जना खटिएका छन् ।

‘क्रुजशिप’ राख्नको लागि पानीको च्यानल काटेर १५ फिट गहिरो पार्किङ स्टेशन निर्माण भइसकेको छ ।

भारतीय ग्राउण्डीमल मरिन इन्टरनेशल कम्पनीले यसको प्राविधिक पक्षको काम गरिरहेको छ । कम्पनीका निर्देशक ओजस सेवास्टिएनले नेपालमा पहिलो पटक निर्माण गरिएको क्रुजशिपले पर्यटन क्षेत्रमा महत्वपूर्ण भूमिका खेल्ने बताए ।

‘मिनी पानीजहाज’ सञ्चालनका लागि आवश्यक क्र्यू मेम्वर र प्राविधिक हाल विदेशी हुने छन् । तर दीर्घकालिन रुपमा नेपाली जनशक्ति नै उत्पादन गर्नको लागी आवश्यक तालिम केन्द्र सञ्चालन गर्ने योजना बनाएको कम्पनीको भनाइ छ ।

पहिलो चरणमा काप्रेघाटबाट देवघाटसम्म सञ्चालन गरिनेछ भने त्यसपछि मुग्लिन र तल त्रिवेणीधामसम्म लैजान थप अध्ययन गरिने निर्माण पक्षले जनाएको छ ।

‘मिनी पानीजहाज’मा १५ जना क्यू मेम्बर हुनेछन् भने एकै पटक दुईसय जनाले यात्रा गर्न सक्ने छन् । पानी जहाजको दुबै तलमा सयसय जना अटाउनेछन् । मिनी पानीजहाज एक सय फिट लम्वाई र २५ फिट चौडाईको हुनेछ, जसको माथिल्लो तलालाई दृश्यावलोकन गर्न सकिने गरी बनाइने बताइएको छ ।

‘मिनी पानीजहाज’लाई दिनमा तीन सिफ्ट चलाउने योजना छ । भरतपुर महानगरपालिका वडा नः १६ काप्रेघाटलाई मुख्य केन्द्र बनाएर देवघाटदेखि गोलाघाटसम्मको क्रुजिङ करीव तीन घण्टाको हुनेछ । कम्पनीका प्रवन्ध निर्देशक कँडेलले भने, ‘नेपालको जल पर्यटनमा यो एउटा कोशेढुंगा सावित हुनेछ भन्ने विश्वास छ ।’

बषर्ाको तीन महिना भने ‘मिनी पानीजहाज’ बन्द गरिनेछ ।

सिंगापुर र भारतबाट आएका प्राविधिकहरुले पुसदेखि पानीको गहिराईबारे अध्ययन गरेका थिए । ‘नारायणी नदीमा पुषको बेलामा सबैभन्दा कम पानीको सतह पुग्ने रहेछ, केही सिमित स्थानमा नदीको वहाव सुधार गरे सजिलैसँग नारायणीमा मिनी पानीजहाज चलाउन सकिने रहेछ’ प्रवन्ध निर्देशक कँडेलले भने ।

पानीजहाज सञ्चालन गर्ने स्थानमा नदी नियन्त्रण गर्न प्रदेश ३ सरकारले ९५ लाख रकम दिएर निर्माण गरेको छ ।

‘मिनी पानीजहाज’सँगै रिर्सोट पनि

राइनो वाटरलले ‘मिनी पानीजहाज’सँगै रिर्सोट पनि सञ्चालन गर्नेछ । यसका लागि पर्यटन उद्योग सेवा प्रवाह निर्देशिका २०७० अनुसार सञ्चालन स्वीकृति लिएको छ भने रिसोर्टका लागि ज्ञानेश्वर सामुदायिक वनसँग २० बर्षका लागि जग्गा भाडामा लिएको छ । त्यहाँ ‘सी’ रिर्सोट निर्माण हुनेछ ।

रिर्सोटसहित झण्डै ३५ करोडको लागत अनुमान गरिएको प्रवन्ध निर्देशक कँडेलले बताए ।

ज्ञानेश्वर सामुदायिक वनका अध्यक्ष राजन अधिकारीले डेढ विगाहा जग्गा बार्षिक तीन लाख पचास हजार भाडा लिने गरी लिजमा दिएको जानकारी दिए । ‘काठ दाउरा मात्रै बेचेर कहिल्यै उभो लाग्दैन’ अध्यक्ष अधिकारीले भने ‘नेपाली युवाहरुले नै केही गर्छु भनेर आएपछि ‘सिपोर्ट’ चलाउन दिने निर्णय भएको हो ।’

Football news:

Lampard on 3-0 with Watford: a dry Win at home, three goals scored-Chelsea played very well
Pulisic on 3-0 with Watford: Chelsea needed this win. We are confident that we can get into the top 4
Rebic scored 9 goals for Milan in 11 Serie A matches
Mikel Arteta: getting Arsenal into the Champions League seemed impossible a few weeks ago
Бав Bayern won the gold double in Germany for the 13th time
Neuer provided an assist in the German Cup final with Bayer
Sarri about 4:1 with Torino: Juve had a false sense of security after a couple of goals