यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
काठमाडौं । नबिल बैंक लिमिटेडले मोरङको सुन्दरहरैंचा नगरपालिका गोठगाँउमा रहेको पूर्वाञ्चल विश्वविद्यालय परिसरमा नयाँ शाखा विस्तार गरेको छ ।
बैंकिङ पहुँच तथा सेवा विस्तार रणनीतिका साथ गोठगाँउमा २६६ औं शाखाको रुपमा नयाँ विस्तार गरिएको नबिल बैंकले जनाएको छ ।
शाखाको उद्घाटन पूर्वाञ्चल विश्वविद्यालयका उपकुलपति प्रा.डा. यादवराज कोइराला, नबिल बैंकका सञ्चालक अनन्त पौड्याल र प्रमुख कार्यकारी अधिकृत ज्ञानेन्द्रप्रसाद ढुंगानाले संयुक्त रुपमा गरेका थिए ।
नबिल बैंकका सञ्चालक पौड्यालले पुर्वाञ्चल विश्वविद्यालय, गोठगाँउ क्षेत्रमा सहज वित्तीय पहुँच दिने र गुणस्तरीय बैंकिङ सेवा विस्तार गर्ने उद्देश्यले शाखा विस्तार गरिएको बताए ।
पूर्वाञ्चल विश्वविद्यालयका उपकुलपति कोइरालाले यस क्षेत्रमा नबिल बैंकको उपस्थितिले खुसी तुल्याएको बताए ।
नबिल बैंकका प्रमुख कार्यकारी अधिकृत ढुंगानाले पूर्वाञ्चल विश्वविद्यालय, गोठगाँउमा बैंकको व्यवसाय विस्तार मात्रै नभई समुदाय स्तरमा काम गर्ने ध्येय रहेको बताए ।
