Nepal

सीसीएमसीले निर्णय नगर्दा फुटबल खेलाडीको प्रशिक्षणमा ढिलाइ

२९ असार, काठमाडौं । अखिल नेपाल फुटबल संघ (एन्फा)ले असार अन्तिम अर्थात जुलाई दोस्रो सातादेखि राष्ट्रिय फुटबल टिमको तयारी सुरु गर्ने गरी एक महिनाअघि तयारी थालेको थियो ।

आगामी अक्टोबर नोभेम्बर हुने विश्वकप छनोट अन्तर्गत हुने खेलका लागि नेपालले खेलाडीको प्रशिक्षण सुरु गर्ने तयारी गरेको थियो । असार ५ गते एन्फा अध्यक्ष कर्माछिरिङ शेर्पाले मुख्य प्रशिक्षक योहान कालिन, टेक्निकल टेक्निकल डिरेक्टर ग्यारी फिलिप्सलगायत खेलाडीसँग भर्चुअल छलफल गर्दै जुलाई दोस्रो सातादेखि प्रशिक्षण सुरु गर्नेबारे कुरा गरेको थियो ।

तर त्यसका लागि कोभिड क्राइसिस म्यानेजमेन्ट सेन्सर (सीसीएमसी)मा पुगेको एन्फाको प्रस्तावमा अझै निर्णय हुन सकेको छैन । एन्फाले सुरुमा राष्ट्रिय खेलकुद परिषद हुँदै युवा तथा खेलकुद मन्त्रालयमा प्रशिक्षण सुरु गर्नका लागि प्रस्ताव गरेको थियो ।मन्त्रालयबाट उक्त प्रस्ताव फाइल सीसीएमसीमा पुगे पनि त्यहाँबाट यसबारे निर्णय हुन सकेको छैन ।

दक्षिण एसियाकै भुटान, माल्दिभ्सलगायत देशले सुरक्षित उपाय अपनाउँदै फुटबल खेलाडीको प्रशिक्षण सुरु गरिसक्दा नेपालमा भने अझै प्रशिक्षण हुन सकेको छैन ।

सीसीएमसीका सचिव महेन्द्र गुरागाईंले एन्फाको एजेन्डाको विषयमा शुक्रवार छलफल भएको तर निर्णय नभएको बताए । ‘एन्फाको एजेण्डा बैठकमा पेस भएको छ । तर निर्णय भएको छैन,’ गुरागाईँले भने, ‘अब २-३ दिन कोरोना परीक्षणको नतिजाहरु हेरेर त्यसबारे निर्णय गर्ने भन्ने कुरा भएको छ ।’

गुरागाईँले यसबारे अर्को बैठकमा छलफल गरेर टुङ्गो लाग्ने सम्भावना रहेको बताए ।

राष्ट्रिय टोली तयार समितिका संयोजक तथा राष्ट्रिय टोलीका व्यवस्थापक मधुसुदन उपाध्यायले प्रशिक्षण सुरु गराउने बारे प्रस्ताव सीसीएमसी पुगेको तर राम्रोसँग स्थान पाउन नसकेको बताए ।

‘हामीले बुझाउनुपर्ने कागजातहरु सबै मन्त्रालयमार्फत सबै पठाइसकेका छौँ । सीसीएमसीसँग हामी निरन्तर सम्पर्कमा छौँ । सम्भवत अर्को बैठकबाट टुङ्गो लाग्न सक्छ,’ उपाध्यायले भने । उनले चाँडै अनुमति पाउने विश्वास व्यक्त गरे ।

यो पनि पढ्नुहोस फुटबल टिमको प्रशिक्षण जुलाई दोस्रो साताबाट गर्ने तयारी

सीसीएमसीले ढिलाइ गर्दा खेलाडीको प्रशिक्षण यसअघि तोकिएको समयभन्दा अली ढिलाइ सुरु हुने उनले बताए । ‘२६ गतेको बैठकमा निर्णय भएको भए खेलाडीहरुलाई बोलाएर पीसीआर टेष्ट गरेर प्रशिक्षणको प्रकिया अगाडि बढाउन हुन्थ्यो । तर अब केही ढिलाइ हुन्छ,’ उपाध्यायले भने ।

सीसीएमसीबाट स्वीकृति पाएपछि आफ्नै सवारी साधनबाट खेलाडीलाई ल्याउने र त्यो नभए खेलाडीलाई आफ्नै साधानमा आउन भन्ने उनले बताए । ‘स्वीकृत भएपछि त्यसैअनुसार हामी खेलाडी बोलाउछौँ । आएपछि पीसीआर गर्छौँ,’ उपाध्यायले भने, ‘हाम्रो होस्टेल पनि सरसफाइ गर्नुपर्ने छ । पीसीआर टेष्ट, होस्टल सरसफाइ स्यानिटाइजदेखि सबै मापदण्ड पूरा गरेर पूर्वाधार तयार गर्दैछौँ ।’

फिफा विश्वकप कतार २०२२ र एएफसी एसियन कप २०२३ को दोस्रो चरणको संयुक्त छनोट अन्तर्गत नेपालले समूह बी को ३ खेल खेल्न बाँकी छ । त्यसैले एन्फाले तीन महिनाको समय प्रशिक्षण गर्दै छनोटका लागि तयारी गर्ने योजना बनाएको थियो । तर अब खेलाडीको प्रशिक्षण अली ढिला सुरु हुनेछ ।

चाइनिज ताइपेइ, अष्ट्रेलिया र जोर्डनसँगको खेल नेपालले घरेलु मैदानमै खेल्न तय छ । समूह बी पाँच खेल खेलिसकेको नेपालले एक जितबाट तीन अंक जोडेको छ ।

नेपाली खेलाडी प्रशिक्षणको पालो पर्खिरहँदा दक्षिण एसियाली राष्ट्र माल्दिभ्सले जुलाई पाँचदेखि नै प्रशिक्षण थालेको छ । भुटानले जुन २४ देखि नै प्रशिक्षण सुरु गरिसकेको छ ।

Football news:

The Bayern coach who destroyed Barca. He was on Lev's staff at 7:1 in Brazil
Barcelona offered Pochettino a 1+1 contract. The club is in contact with Allegri and Henri
Call me Neptune. Ronaldo dived to a depth of 14 meters
Abidal may be dismissed from Barca after Setien. He supports the coach even after 2:8 from Bayern
The city has finally raised a star of its own. Pep calls foden the main talent of his life and is looking for an optimal position for Him
Emre belezoglu finished his career at the age of 39
Barcelona has spent almost a billion euros on transfers over 5 years. That's who the money went to