Nepal

सिम्रिकको रङ र हिटलर

उसले सिम्रिकको रातो रङ देखाउँदै

मेरो जीवन पनि रंगीन बनाउँने भनेथ्यो

त्यसरी नै जसरी

सूर्यको पहिलो किरणले

हिमाललाई रंगीन बनाउँछ

सुन्दर, मनमोहक

ऊ यसरी बोल्थ्यो

मानौं ऊ टाउकोमा रातो रुमाल बाँधेर

हावामा जोर-जोरसँग कसिलो मुठ्ठी उचाल्ने

एक स्वप्नशील युवा हो

उसको त्यो जादूमय आवाजले

मेरो विश्वास जितेर लियो

त्यसपछि उसले मेरो मन लग्यो

अनि विस्तारै लिँदै गयो

मेरो

गोत्र र गर्भ

ओठ र मुस्कान

बक्षस्थल र गुप्तांग

साहस र अठोट

सपना र संकल्प

यहाँसम्म कि

उसले मेरो हातको इशारा

र, गोडाको चालसम्म लियो

ऊ चाहन्थ्यो मेरो मन

उसको इशारामा मात्रै चलोस्

उसले भनेको थियो

मेरा फुङ्ग उडेका आँखाहरूमा

ऊ सपनाहरू भर्ने छ

ओठमा मुस्कान

र, मुटुमा प्रेमील धड्कन दिने छ

ऊ मेरो नाममा उसको नाम

जबर्जस्ती दर्ज गर्ने छैन

मेरो पेट मैसँग छिन्ने छैन

ऊ मेरो छाती गिजोल्ने छैन

र, गुप्ताङ्ग जबर्जस्ती भोग्ने छैन

ऊ मेरो अस्मिताको रक्षक हुनेछ

दूर्भाग्य,

ऊ त कञ्चटमा नाल राखेर

उसकै इशारामा संसार चलाउन खोज्ने

एक तानाशाह पो रहेछ

म झँल्यास्स भएँ

ओहो

म मजस्तै नभएको कति भयो हँ?

खै किन हो कुन्नि

आजकल मलाई 'सिम्रिक'हरू

'रंगहीन' लाग्छन्

Twitter: @tdahal1

Football news:

Pep Guardiola: I would have stayed at Manchester City and in League 2
Manchester United is ready to sell Alexis, Lingard, Smalling, Dalot, Jones and Rojo
Frank Lampard: I expect more from Chelsea, but now the result is most important
Atalanta does not lose 15 matches in a row – 13 wins and 2 draws
Lorient threw one newcomer off a plane and sent another under the water-all for the sake of presentations on social networks
Pasalic scored a hat-trick in the match against Brescia. Atalanta smashes the opponent 6:1
Rummenigge on Ribery: Hennessy was like a second father to him, and I was like a second mother