KAABANG-ABANG ang pagbubukas ng 46th season ng PBA dahil sa palitan ng manlalaro.
Gumawa ng ingay at ginulat ang lahat nang mapunta na sa Magnolia Hotshots ang ‘The Beast’ na si Calvin Abueva kaya naman mas dadayuhin ang bawat laban ng koponan lalo na’t kung Manila Classico.
Dagdag audience at paniguradong dagdag init sa loob ng court dahil sa ibang klase ng kalibre ng laro na meron si Abueva.
Hindi maitatanggi na napakalaking tulong si ‘The Beast’ sa koponan ni coach Chito Victolero, ang level of energy na meron ito sa loob ng court ay kailangan ng team.
Ang pagiging matapang nito ay malaki ang magiging ambag sa lebel ng laro na magkakaroon ang Magnolia.
Panigurado namang hindi na babalik si ‘The Beast’ sa dati nitong gawi lalo’t nasa SMC team siya kung saan napakaimportante ng ugali.
Kakaibang Abueva sigurado ang makikita natin kapag suot na nito ang kanyang Magnolia jersey.
Dagdag pa natin rito ang pagtawid naman ni ‘Baby Beast’ na si CJ Perez sa San Miguel Beermen, talagang hindi tumitigil ang SMC na magpalakas lalo’t malalim rin ang bench ng kanilang mga katunggali sa liga.
Muli, patuloy po ninyong suportahan ang Sportalakan tuwing 4pm.
Salamat po. God bless!
