Dumayo pa ang Miami Heat sa home floor ng Boston Celtics sa TD Garden para isara ang East finals sa pitong laro.
Nagmuntikang maging kahiya-hiyang footnote ang Heat, kung natalo sa Game 7 ay magiging kauna-unahang team na nalusawan ng 3-0 lead sa race-to-four playoff series.
“Sometimes you have to suffer for the things that you really want,” bulalas ni coach Erik Spoelstra. “We still have more to do.”
Na-delay, pero tuloy na ang biyahe ng Miami sa NBA Finals laban sa Denver. Game 1 sa Biyernes (araw sa Manila).
Tatlong players ng Heat ang may championship ring na.
Kasama si Udonis Haslem sa tatlong Miami titles, tig-isa sina Kevin Love (Cleveland) at Kyle Lowry (Toronto).
Sa Nuggets ay iisa – si Kentavious Caldwell-Pope na miyembro dati ng Lakers restart bubble champion team noong 2020 kontra Heat.
Balik mula sa finals team na ‘yun ng Miami sina Jimmy Butler, Bam Adebayo, Duncan Robinson, Tyler Herro at Gabe Vincent.
(Vladi Eduarte)
