Titirada ang 2nd leg Metropolitan Chess Center Standard Open sa Hunyo 24-25 sa Starmall EDSA Shaw sa Mandaluyong.
Alas-10 ng umaga-alas-6 ng gabi susulong ang 7-round, 40-minute w/1 second increment event na bukas sa non-rated, untitled at titled players anuman ang taon at kasarian na may P25K total pot.
Hahatiin ang cash prizes sa Top 10. May P5K ang kampeon, P3K sa segunda, P2K sa tersera, P1.5K sa pang-apat at P1L sa panglima. May P500 bawat isa ang pang- 6-10. Ang category winners sa seniors, juniors at kiddies ay may P750 bawat isa.
Itinakda ang registration fee P300 sa dating Milo enrollee at P350 sa iba pa. Online ang registration na puwedeng bayaran sa GCash 0922 822 6319 at ang deadline ay sa June 21. Ang iba pang detalye ay nasa mccchess.com at FB: milo checkmate chess clinics and sports academy.
(Abante TONITE Sports)
