Sa karamihang nasa Phnom Penh, Cambodia na, handa nang pumalag ang Team ‘Pinas sa 12th ASEAN Para Games na sisiklab sa Sabado sa Morodok Techno National Stadium.
Dumating dito ang malakas na 246 Nationals sa dalawang pangkat noong Lunes at Martes ng gabi, habang paparine ang e-sports team bukas na bibinyagan ang event bilang demo sa 12-sport, 11-nation, biennial sportsfest.
Mas unang lumapag sa kabisera ng nasabing bansa sina Walter Torres, ang Philippine Sports Commission board member at country’s chef-de-mission, at deputy CDM Irene Soriano. Sasamahan sila ni Philippine Paralympic Committee president Michael Barredo ngayon at ni PSC chairman Richard ‘Dickie’ Bachmann sa Hunyo.
“It’s the biggest in the history of the ASEAN Para Games,” lahad ni Torres ukol sa delegasyon ng bansa. “It’s really to get them going in the international scene since this is the starting point of everything.”
Masaya na ang opisyal na mahigitan ng mga para athlete ang panlimang puwesto sa likod ng 28-30-46 ginto-pilak-tanso (medalya) noong isang taon sa Surakarta, Indonesia.
(Ramil Cruz)
