Ikinalat ni Troy Rosario sa first half ang 17 sa kanyang 20 points para akayin ang Blackwater sa 100-94 panalo laban sa Terrafirma sa unang laro ng PBA On Tour Miyerkoles ng gabi sa Ynares Sports Arena sa Pasig.
Pagbalik mula sa break, sinalo nina Rashawn McCarthy, RK Ilagan, Baser Amer at Mike Ayonayon ang opensa para ihatid ang Bossing sa 2-1 card.
“We were challenged kasi sa game na ‘to,” ani Rosario na 8 of 13 sa field. “Sabi ng coches namin, titingnan namin kung paano kami mag-respond after that big loss sa Magnolia.”
Umabante hanggang 14 sa fourth quarter ang Blackwater, naibaba ng Dyip sa 94-87 bago sumagot ng 3 si Amer. Tinapyasan ng tatlo ng Terrafirma, ipinagpag ni Ilagan si Isaac Go bago nagpakawala ng tres.
Pagkatapos ng dalawang free throws ni Andreas Cahilig, sumagasa ng drive si Ilagan 99-89, 33 seconds na lang.
Nabalaho sa 0-2 ang Dyip sa kabila ng 22 points ni Juami Tiongson at 19 ni Allen Mina. Tumapos si Cahilig ng 16 points, 13 rebounds.
(Vladi Eduarte)
