نیویارک: اقوامِ متحدہ میں اسرائیلی درندگی کی مذمت اور نہتے عوام کی حمایت پر انتونیو گوتیرس عرب دنیا کے سوشل میڈیا پر چھا گئے، سوشل میڈیا صارفین کی جانب سےان کے بیانات کی تعریف کی گئی۔
واضح رہے کہ منگل کو سلامتی کونسل کے اجلاس میں اقوام متحدہ کے سیکرٹری جنرل انتونیو گوتیرس نے کہا تھا کہ ہمیں احساس ہے کہ حماس کے حملے خلامیں نہیں ہوئے، یہ حملے اسرائیل کے ظالمانہ اقدامات کے جواب میں ہوئے ہیں،7اکتوبر کے حملوں کو جواز بنا کر قتل عام کرنے کا کوئی جواز نہیں۔
يبدو ان السيد الامين العام يحاول قول ما يرضي ضميره
يبدو انه بعد هذه الاسابيع قرر قول جزء من الحقيقة ربما في الغالب سيدفع ثمنها ..لكنه قرر ان يكون نظيفا عكس غيره من المسؤولين— be_maghrebya (@be_maghrebya) October 24, 2023
اقوام متحدہ کے سیکرٹری جنرل کے ان بیانات نے ایک طرف اسرائیل کے سیاسی حلقوں میں کافی تنازع کو جنم دیا اور دوسری طرف عرب دنیا میں سوشل میڈیا پلیٹ فارم پر ان کے موقف کی تعریف کی جارہی ہے۔
سوشل میڈیا صارفین نے گوتیریس کی تقریر کو دیر آید درست آید کے مصداق قرار دیتے ہوئے عرب حکمرانوں سے مطالبہ کیا کہ وہ کم از کم گوتیرس کے موقف جیسا ہی موقف ہی اختیار کریں۔
گوتیرس کے بیانات پر ردعمل کے طور پر،اسرائیلی وزیر خارجہ ایلی کوہن نے اقوام متحدہ کے سیکرٹری جنرل کے ساتھ ملاقات منسوخ کردی۔
ایلی کوہن نے اقوام متحدہ کے سکریٹری جنرل پر الزام لگایا کہ وہ بین الاقوامی تنظیم کی قیادت کرنے کے لیے “اہل نہیں” ہیں، اور ان سے فوری طور پر مستعفی ہونے کا مطالبہ کیا۔
دوسری جانب اقوام متحدہ میں اسرائیل کے سفیر گیلاد اردن نے انگریزی زبان میں اپنے اکاؤنٹ کے ذریعے گوتیرس کے بیانات پر تبصرہ کیا، اور لکھا کہ اقوامِ متحدہ کے سیکرٹری جنرل ہمارے خطے کی حقیقت سے ناواقف ہیں۔
واضح رہے کہ انتونیو گوتیرس ایک پرتگالی سیاست دان ہیں جو اپنے ملک میں داخلی اور خارجی عہدوں پر فائز رہے اور اقوام متحدہ کی جنرل اسمبلی نے 13 اکتوبر 2016 کو انہیں جنوبی کوریا کے بان کی مون کی جگہ اقوام متحدہ کے سیکرٹری جنرل کے عہدے کے لیے منتخب کیا۔
