Somalia
This article was added by the user . TheWorldNews is not responsible for the content of the platform.

Dowlada Imaaraadka Carabta oo ugu deeqday Soomaaliya 9.6 Milyan oo dollar

May 26 (Jowhar.com)-Ra’iisul Wasaare Rooble ayaa ka qeyb galay munaasabad kooban oo dowladda Imaaraadka Carabta ay ugu wareejineysay dowladda Soomaaliya lacag gaareysa 9.6 Milyan dollar oo aheyd lacagtii sanadkii 2018 laga qabtay garoonka Muqdisho, lacagtaasoo 19 bishii May 2022 laga saaray Bangiga Dhexe.

Lacagtan ayaa loo qaaday Imaaraadka Carabta Khamiistii la soo dhaafay safarkii Ra’iisul Wasaaraha ku tagay Abu Dhabi, iyadoo maanta dib loo soo celiyay oo loogu deeqay dowladda Soomaaliya inay u kaashato arrimaha bani’aadanimada iyo horumarinta mashaariicda.

Wasiirka Maaliyadda ayaa kala wareegay lacagtan Safiirka Imaaraadka Carabta ee Soomaaliya, iyadoo ay goobjoog ka ahaayeen Guddoomiyaha Bangiga Dhexe iyo kuxigeenkiisa.