Samoa
This article was added by the user . TheWorldNews is not responsible for the content of the platform.

‘Ata lauiloa i luga o upegatafa'ilagi e i'u ai i moliaga o fualaau faasaina

Pago Pago - AMERIKA SAMOA

O fualaau fa’asaina o lo o tu’uaia na maua i totonu o le ta’avale a leoleo sa i le ASCO Motors, ua mafua ai ona pu’e fa’apagota tagata faigaluega a le ASCO Motors e to’afa.

O lea tulaga na fa’amaonia mai e le Ofisa o le Saogalemu Lautele a le malo ia Pouu’amea Tuaolo Supapo i le tali atu ai i fesili a le Samoa News.

“Ioe ua saisai ma molia i latou. Peita’i o lo’o iai le fa’amoemoe e tele atu tagata e molia,” o le saunoaga lea a le Ta’ita’i Leoleo ia Supapo. 

Sa ia fa’ailoa foi e fa’apea, “o fualaau faasaina na maua ia i latou,” e faasino i le aufaigaluega” a le ASCO Motors.

“O lo’o fa’aauau pea su’esu’ega o lea e le mafai ai ona ou toe fa’ailoa atili atu,” o lana tala lea i le Samoa News.

Na mafai e Supapo ona fa’amaonia mai i le Samoa News le faia lea e Leoleo se osofa’iga i ta’avale a le ASCO e fa’atatau i ata sa tu’uaia na pu’e mai i se ta’avale pikiapu a leoleo, a’o i ai i totonu o le lotoa o le ASCO, ma e foliga mai o ni fualaau fa’asaina i totonu—o ata ona lafoina lea i luga o ala o faasalalauga lautele i upegatafailagi.

O le tala na salalau i luga o le initaneti i le po o le Aso Lua ma sa faʻasoa ma vaai i ai e le faitau selau. Ua ave i lalo lea ata o lo o faaalia ai le taavale a leoleo o loo iai ni fualaau faasaina i totonu.

Ole tele o lo'o tumau pea le "le manino" e pei o le vaega ole DPS e iai le taʻavale ma pe o le taʻavale sa i le ASCO Motors mo le toe faaleleia.

E le gata i lea - o fualaau faasaina na faapea na maua e tagata faigaluega a le ASCO i totonu o le taʻavale - ona puʻeina lea ma faʻasalalau i luga o upega tafaʻilagi, pe o tagata faigaluega a le ASCO o loʻo faʻaaogaina fualaau faasaina na maua i totonu o le taʻavale a leoleo?

Talu ai e lei finagalo le Ta’ita’i Leoleo e toe fa’aalia se isi fa’amatalaga e fa’atatau i su’esu’ega o lo’o fa’agasolo, o lo o taulia pea fesili e uiga i lenei fa’alavelave.

Na aapa atu le Samoa News i se sui o le ASCO Motors mo se fa’amatalaga, ma na taua ai e le sui sa valaau i le telefoni e le o toe fa’ailoa mai i le taimi nei ona o lo o latou feiloa’i ma a latou loia ma o le a tu’uina atu fo’i sa latou fa’amatalaga pe a mana’omia.