Samoa
This article was added by the user . TheWorldNews is not responsible for the content of the platform.

Fa’ataoto tulafono ma ta’iala o tuuga fautasi o le Fu’a 2023

Pago Pago - AMERIKA SAMOA

O le Aso Lua, Aperila 12, na usuia ai le fonotaga mulimuli a le Komiti o le Fu’a a Fautasi e talanoaina ai taiala ma isi faamatalaga mo le Fautasi Regatta o loo loma nei, lea ua faatulaga i le Aso Toonai, Aperila 15, 2023, e faamalosia ai le saogalemu o auva’a e auai ma ia mautinoa se tu'uga va'a talafeagai mo fautasi uma e fitu o lo'o tauva.

O le fa’ata’atiaga o le ta’iala i lea fonotaga, o le fa’atonu o le DMWR ma le Ta’ita’ifono o le Komiti o Tu’uga Fautasi, Taotasi Archie Solia’i.

O taiala ua tuuina atu e le komiti e faapea:

• fautasi uma o le a agai i le amataga faatasi.

• O le vaa a le malo, le Manu’atele ma le vaa toso o le a tu i le tele o selau iata i tua atu o le laina amata.

• fautasi ta'itasi e mana'omia ona liliu i luma o le Manu'atele po'o le toso va'a ma fa'atulaga i latou i o latou ala.

• O le laina amata mo le tuuga o le a filifilia e le SAR jet skis. O le a na'o le fa'ailoga.

• O laina ta'itasi o le a fa'asinoina e le SAR jet ski (ala 1-7)

• O le a agai i luma le fautasi taitasi i le latou poloka amata e faatali ai le amataga o le tuuga.

• O fautasi uma e tatau i ai i tua o le jet ski ae aua ne'i i luma o le jet ski o lo'o fa'asinoina lo latou ala, a'o le'i amataina le tuuga.

• O le taimi lava e laina uma ai fautasi, ona alu ese loa lea o le jet skis e faailoa ai ua lata ona amata le tuuga.

• O pu mai le Manu’atele, vaa toso, SAR jet skis, ma le DMWR (i le taimi e tasi) o le a faʻailogaina le amataga o le tuuga.

O le tuuga fautasi lea ua fa’atulaga i le aso 15 Aperila, 2023 i le itula e 7:00 i le taeao ma ua fa’amaonia mai o le tuuga fautasi e 7 maila, pe afai e mafai e le tau.

Fa’ailoa e le Komiti o tuuaga fautasi le fa’atulagaina o laina, ma le fautasi: Laina 1- Taema, Leone e sosoo ma le malaevaalele; Laina 2- Feoalofani, Fagasa; Laina 3- Matasaua, Manu’a; Laina 4- Aeto, Pago Pago; Laina 5- Manulele Tausala, Nu’uuli; Laina 6- Paepaeulupo’o, Aua; ma le Laina 7- Iseula o le Moana, Fagatogo, latalata i le motu o Aunu’u.

O fa'ailoga nei o le tuuga: Tulaga muamua, $20,00; Tulaga lua, $17,000; Tulaga tolu, $15,000; Tulaga fa, $13,000; Tulaga 5, $10,000; Tulaga 6, $8,000; ma le tulaga 7 o le a $6,000.

E le gata i le fa’ailoga tupe, ae o le a maua ai fo’i e le fautasi manumalo le Ipu Fa’aauau a Lealaifuaneva Peter Reid, lea ua fa’aigoaina e fa’aaloalo ai i le afioga i le ali’i senatoa ua maliu, le ali’i faipisinisi, o se tasi o kapeteni manuia manumalo o fautasi.

O le aiga foi o Lealaifuaneva Peter Reid o loo foai atu le afa o le faailoga e $20,000 i le fautasi manumalo.