Samoa
This article was added by the user . TheWorldNews is not responsible for the content of the platform.

Iloilo e Maota o Sui faafitauli tula’i lafoga a nisi o le atunuu

Ads by Google Ads by Google

Pago Pago - AMERIKA SAMOA

I se iloiloga a se komiti o le Maota o Sui i le Aso Lulu o le vaiaso ua tuanai, na soalaupuleina ai e afioga i Faipule ia le mataupu i ni faafitauli o tulai mai i lafoga maua a tagata o le atunu’u, ina ia faamautuina pe mafua nei faafitauli o masini po o tagata faigaluega a le malo.

O le afioga i le alii faipule ia Vailoata Eteuati Amituanai na pule faamalumalu i le iloiloga sa faataunuu, lea na auai atu ai le susuga Toleafoa Vaaimamao Poufa, le pule o le Ofisa o Lafoga, e molimauina le mafuaaga na le maua ai e nisi o le mamalu o le atunuu a latou i le aso na atofaina e maua ai a latou lafoga, ia Mati 8, 2023.

Na saunoa Toleafoa, o le mea sa tupu i ia lafoga, na mafua ona o se faafitauli i totonu o masini, ona o tulafono fou mai i le EITC (Earned Income Tax Credit), ua tu’u i totonu o polokalama a le ofisa o lafoga, e aunoa ma se iloa e le latou aufaigaluega, ma na faia foi lea tulaga, ae e faamaeaina lelei le galuega a le latou ofisa, e mafai ai ona tatalaina i tua lafoga a tagata.

Ma na ta’ua e Toleafoa, sa mafai ona vave fofoina lea faafitauli ma o i latou uma sa le’i maua a latou lafoga i le aso na tatau ona maua ai, ua tatau nei ona maua a latou lafoga.

Sa faatula’I foi e le afioga i le faipule ia Luaitaua Gene Pan se tasi o sui o lona itumalo sa maua lana lafoga ae sa faaulu sana tagi i le ofisa lafoga, ona o nisi o vaega taua o lana lafoga, e le o maua.  Na fesiligia e Luaitaua ia le susuga Toleafoa, po o le a se umi e faatali ai se tagata a’o feagai le ofisa o lafoga ma le fofoina o lea ituaiga faafitauli, ma pe mafai e lea tagata ona maua lana lafoga i se taimi vave.

Na saunoa Toleafoa, i faafitauli faapea, ona o le misi a le aufaigaluega o le ofisa o lafoga, e mafai ona fofoina I se aso se tasi pe lua foi.

E pei ona ta’ua i se ripoti ua sola a le Samoa News, o le vaega lona lua o lafoga sa tufatufaina i le Aso Lua o le vaiaso ua tuanai, ma e silia ma le $2.9 miliona le aofaiga o ia lafoga.