Samoa
This article was added by the user . TheWorldNews is not responsible for the content of the platform.

Molia le susuga ia Faapepele Fulutusi faiga uiga mataga i se teineitiiti

Pago Pago - AMERIKA SAMOA

O le Aso Lulu na tula’i ai se ali’i i luma o le Fa’amasinoga Fa’aitumalo le susuga ia Faapepele Fulutusi ona o moliaga fa’aletulafono sa aafia ai le teineitiiti. 

O moliga fa’asaga ia Fulutusi e aofia ai le faia o uiga mataga i le tulaga muamua; taofia fa’amalosi o se isi tagata, lamatia le soifua manuia o se tamaitiiti laititi ma faaoolima i le tulaga tolu.

E tusa ai ma le tagi a le malo i luma o le fa’amasino, na maua ai e leoleo se tagi i le masina na te’a nei, ona o moliaga o le tagofia lea e Faapepele Fulutusi o se teineititi e 13 tausaga ma le le talafeagai, ma taofia ai o ia e le tusa ai ma lona loto.

O Fulutusi o le nephew a le tama fai o lē na a’afia. O lo o taua ai le alu atu o le teineitiiti na a’afia i le fale o lona tina matua e su’e lona uncle ma vaaia ai le ua molia na o ia iina.

O lo o taua i le ta’utinoga tau solitulafono e fa’apea, o Fulutusi, na ia toso mai le tua o le teineitiiti na aafia ma olo lona itu agai i le teineitiiti. 

Na tulei ese e le teineitiiti le ua molia ma fai atu ia te ia e taofi, o latou o tausoga.

Na musu Faapepele ma uu le lima  o le teineitiiti ma faamalosia i la’ua e pa’i atu ma le le talafeagai. Sa ia taofia o ia ma amata ona ia paʻi atu ia te ia ema le le talafeagai i luma o lona tino.

“Na ia fai atu ia te ia, na o matou e iloa, e leai se tasi e tatau ona iloa,” o lo o taua ai i faamaumauga a le faamasinoga.

Ona ia tago atu lea i le tama’ita’i ma ua le fiafia ai le tama’ita’i na a’afia, “ona tamo’e atu lea o ia i fafo ma ta’u atu i lona tina; o le taimi lena na lipotia ai le mataupu i leoleo.”

E tusa ai ma le mataupu a le malo, ina ua fesiligia e leoleo le ua molia, sa ia ioeina upu uma e pei ona taua e le na aafia.