Samoa
This article was added by the user . TheWorldNews is not responsible for the content of the platform.

Pasia e le Maota O Sui totino o le komiti fa’afoe Visitors Bureau

Pago Pago - AMERIKA SAMOA

O le aso Gafua o le vaiaso ua te’a na pasia ai ma fa’amonia e le Maota o Sui, totino e to’alua o le komiti fa’afoe a le Amerika Samoa Visitors Bureau (ASVB) - le puleaga a le malo o lo’o gafa ma tagata asiasi mai i le atunu’u. 

O totino e to’alua o le komiti, o le susuga ia Poe Mageo o se tasi o fai pisinisi faletalimalo i le teritori, ma le fa’atonu sili o le Matagaluega o Fefa’atauaiga ia Petti Matila.

‘Ao le’i faia le fa’aiuga a le Maota o Sui, sa valaauina Mageo ma Matila, i se iloiloga a le komiti o le Maota, ma fesiligia ai i laua nei. 

Saunoa ia Mageo i le amataga o le iloiloga, ma ave le fa’afetai ile kovana ona o le a’e o se tofa e fa’apea e fa’aauau pea le tautua i lea vaega o le malo. 

Sa fesiligia molimau pe i ai ni polokalama o fuafua e tuuina atu i le komiti fa’afoe ae maise atina’eina o le aganu’u e o mai ai turisi mai fafo. 

Na saunoa Mageo “O le manaia ia o si mataaga na e i tua, i na ile togātogo, o le aiga la lena e ona ina sa mafai ai ona matou fesosoani e fai le fale le taua ma le shower, a uma na auaua le tagata ile Pala ole manino ia, e ese fo’i le faiga ole toeaina lea ma lona afafine le pala lea e tua i na le togātogo ia e iai ma paopao,” o se tala lea a Poe. 

Toe saunoa foi Poe, “Ia au lava ia, oute iloa le polokalama lea sa matou faia e ta’u ole fale lalaga ua tele a tagata ole atunu’u mai fafo ua fiafia ai aua e le gata e fa’asoa ai pese Samoa ia ae fa’apena ina ia nai Lo’omatutua ia e fai o latou pale so’o se mea lava e gaosia e oo fo’i o leisi, ua iai fo’i le papalagi na faia ia mo mea o suau’u mai le Fetau e iai fo’i lona ia tomai e carve ai ia ituaiga tulaga fa’apena mai le la’au lea ole Fetau ia e iai fo’i ma ona ma le suauu e maua mai”.

“O lo’o i ai fo’i tina o loo faapea ona faia togāla’au e gaosia ai fo’i ia vai masani lea pe ta’u e tatou ole au taulasea, ua iai le Fa’atoaga Fa’amalolo lea i Pavaiaii, le tina ia Tilani Ilaoa. O loo galue fo’i lea tina i le tōtō ina ole la’au laufala.”

“O galuega masani lava o lo’o matou taumafai lava e fa’ataunuu ae utiuti fo’i le seleni a le ofisa ae tele lava o le matou fai pa’aga ma le tele o isi agency ale malo ia sa fa’apena fo’i ona oka ina mai le ukulele mai fafo, amata ona a’oa’o ai le Ukulele I fanau ia ma tulaga lava e fesosoani foi nai vendors ia i taimi e oma ai meli ma nai tama’i fale ie fo’i ia e fa’apea la na tu’u atu e le ofisa e malu ai latou ile la”.

Na fa’apea fo’i ona saunoa Matila e fa’apea “Ou te fiafia lava e fa’ailoa atu o lo’o iai ni a matou poloketi ua mae’a ona fa’atino ina, o loo iai fo’i poloketi o loo matou galulue ai ina ia faapena ona tino mai i se taimi ole lumana’i.”

Fa’ailoa fo’i e Matila se tasi o poloketi e fa’alauiloa ai Amerika Samoa i fafo, e ala i se polokalama fa’asalalau i le televise i Amerika a le PBS. Ua fuafua o le tausaga fou e fa’asalalau ai lea polokalama fa’atatau ia Amerika Samoa. 

O se tasi o poloketi sa talanoaina, o le toe fa’atula’i lea o le “cable car”, e fa’atupeina i se vaega tupe mai le fetarale. 

Fa’ailoa e le afioga ile faipule ia Larry Sanitoa e fa’apea, ua si’itia le tupe a le Visitors Bureau mai le $300,000 ile $847,000. Na ia fa’amalosia le taumafai ole komiti fa’afoe e fa’amautu nisi vaega tupe mo le fa’atupeina o lea vaega o le malo.