Samoa
This article was added by the user . TheWorldNews is not responsible for the content of the platform.

Sefulutasi teuteuga o le fa’avae faia ai fa’aiuga a e ‘au palota ia Novema

Pago Pago - AMERIKA SAMOA

E sefulutasi teuteuga - po’o suiga - o le Fa’avae o Amerika Samoa o le a palota i ai tagata palota o Amerika Samoa pe a oo mai i le faigapalota ia Novema 08, 2022.

O se ata faataitai o le palota (referendum) na fa’alauiloa i le vaiaso ua te’a e le Ofisa o Tulaga Fa’apolokiki ma le Fa’avae, le fa’atonusili ia Tapa’au Dr. Dan Aga. Sa fa’alauiloa foi lea ata fa’ataitai e le Ofisa o Palota. 

O teuteuga o lo'o lisiina i le gagana Peretania ma le Gagana Samoa i le pepa palota ma o teuteuga ia o lo'o fa'atulagaina i le gagana Samoa ua lomia atu ma o lo’o ta’ua ai le tatau lea i le tagata plaot ona tusi se fa'ailoga X po’oi totonu o le pusa e feagai  ma le tali ua e filifilia. 

O le fesili tomu e fa’apea, “E te Fa’amaonia suiga nei i le Fa’avae Toe Teuteu o Amerika Samoa o le 1967?” ma soso’o ai ma teutuega nei - e tali i le ioe pe o le leai:

• O le a filifilia e le Kovana le Faamasino Sili, ma Sui Faamasino Sili ae faamaonia e le Fono Faitulafono

• O le a le toe i ai se pule a le Failautusi o le Initeria e sui ai faai’uga a le Faamasinoga Maualuga o Amerika Samoa

O le a le toe i ai se pule a le Failautusi o le Initeria e sui ai le faaleaogaina e le Fono o le vito a le Kovana

• O lenei suiga o le a faaopoopo ai le Faipule e tasi (1) i le Ituau ma se Faipule e tasi (1) i Ma’upu (Tualauta). O le a suia ai le aofa’i o Faipule mai le 20 i le 22

• O lenei suiga o le a aofia ai “Malaeimi” i le Itumalo Faafaipule o le Ituau

• O lenei suiga o le a tuuina atu ai i le Faipule o Swains Island le aia tatau e palota ai i le Maota o Sui

• O lenei suiga o le a fa’aatoa ai le lima (5) o Senetoa o Manu’a. O le a sui ai le aofa’i o Senetoa mai le 18 i le 20

• O lenei suiga e auiliili ai faagasologa e faatula’i ai le Kovana poo le Kovana Lutena. 

O lenei suiga o le a suia ai le “Government of American Samoa” i le “American Samoa Government”

O lenei suiga o le a suia ai le “Ma’uputasi” i le “Ma’oputasi”. 

O lenei suiga o le a suia ai “Leasina” ia “Leasina ma Aitulagi”. 

Na taua e Tapa’au i le Samoa News i le vaiaso ua te’a le tele o atugaluga na laga e le mamalu o le atunu’u i le taimi o le palota mulimuli o le palota i le 2010, ona o le le lava o avanoa i le suiga o le fa’avae sa tuuina atu i le au palota i lea tausaga. 

“E lua le eseesega tele i le va o faiga palota o le 2010 ma le 2022,” o lana tala lea i le tali atu ia matou fesili. “Nai lo le tasi le fesili mo teuteuga UMA,  e 11 teuteuga eseese e mafai e le tagata palota ona tali i le IOE pe LEAI.”

Na fa’afetaia e Tapa’au le Ofisa o Faiga Palota, Loia Faufautua, ma le latou fa’aliliu upu sili ona o le fa’afaigofieina o le palota mo tagata palota fa’apea fo’i ma filifiliga ua tu’uina atu mo tagata palota ta’itasi.

Sa ia fa’afetaia fo’i le Ofisa o le Kovana i le tali atu i atugaluga o le au palota i le fa’atulagaina o palota e fa’atatau i le manino ma le faigofie ona maua. “O le a matou aapa atu i nuu, faalapotopotoga, ma tagata lautele e

faia se talanoaga i nei teuteuga,” o a Tapaau lea.