Ads by Google Ads by Google
Pago Pago - AMERIKA SAMOA
I lana Poloaiga Fa’alaua’itele, ua fa’ailoa ai e le afioga i le Kovana, Lemanu P.S Mauga le avea o Setema, 2023, o le masina e Fa’ataua ai Tapenaga mo fa’alavelave fa’afuase’i
I se vaega o le poloaiga, o lo’o taua ai, o le “Masina ua Fa'atauaina ai Tapenaga mo Fa'alavelave Fa'afuase'i" e maua ai avanoa i tagata uma o Amerika Samoa, e tapenapena ai aiga, pisinisi, a’oga ma nu'u mo so’o se fa'alavelave fa'anatura po'o fa'alavelave fa afuase'i e "fa'atupu e tagata" e fa'apea ai fo'i ma le solina o le tulafono e tagata fa'atupu vevesi.
“Ina ia maua pea le agaga fesoasoani i o tatou Tagata, Aiga, Pisinisi ma Nu'u, e fa'aititia ai tagata maliliu fa apea le pagatia o le tamaoaiga o tagata ma le malo”.
Fa’ailoa i le poloaiga e fa’apea, o le matagaluega o le Feturale o lo’o gafa ma fa'alavelave fa'afuase’i, le FEMA ma le latou polokalame o le fa'asauni atu, isi ofisa o le feturale, sitete, malo loto-i-fale, nu'u, teritori, ma sosaiete e ofo fua atu lo latou tautua ua galulue fa'atasi ina ia iloa ai gaioiga, sauniuniga uma o fa'alavelave fa'afuase’i, ma a'oao atu tagata uma ina ia silafia ma iloa le gaioiga e tatau ona fai.
O sauniuniga i fa'alavelave fa'afuasei, o le matafaioi lea a tagata uma o Amerika Samoa, e fautuaina ai ina ia fa'amuamua pea tapenaga, ma a galulue fa'atasi tagata uma, aiga ma nu'u ina ia fa'amautinoa ai pea sauniuniga e tali atu ai i so'o se fa'alavelave ma mafatiaga e tutupu mai.
E tatau ona matua fa'amalosia tagata o Amerika Samoa e auai i sauniuniga tu'u fa'atasi i mea e fai, ma ia asiasi i sauniuniga fa'atosina i le initineti, ready.gov, ma isi a'oa'oga ina ia fa' amautu ai sauniuniga a tagata.
“I le agaga faaaloalo e fautuaina ai tagata uma o Amerika Samoa ma Pisinisi uma ina ia faifai pea ma fau lelei ni taiala e sauniuni ai mo fa'alavelave fa'afuase'i, ma ia galulue fa'atasi ina ia avea tatou ma nofoaga mautu,” o se vaega lea o le poloaiga a le kovana mo lenei mataupu e tauatele mo le nofo sauniuni o Amerika Samoa.
