Samoa
This article was added by the user . TheWorldNews is not responsible for the content of the platform.

Siitia le amana'ia o le ami faaleoleo a Amerika Samoa.

Pago Pago - AMERIKA SAMOA

Ua faamaonia ai e Senatoa, i lona faitauga lona tolu ma le faitauga faai'u le pili a le Maota o le Senate, e faatulafonoina ai, tulaga maualuga o aso  malolo, e faatulaga e le Malo o Amerika Samoa ASG mo le US Army Reservists, poo tagata o le Ami Faaleoleo, faapena foi i le fuafuaga a le Pulega e toe teuteu ai le tulafono o lafoga i le teritori. 

Ua tuuina atu na pili e lua i le Maota o Sui mo lana iloiloga, ma se fa’aiuga. 

LIVI FAA MILITERI (MILITARY LEAVE)

Sa faamaonia e Senatoa ile vaiaso ua te’a le pili mo livi faamiliteri, i le uma ma’ea iloiloga a le komiti i le vaiaso ua te’a, na saunoa ai le Faatonu o le Matagaluega o Tagata Faigaluega (DHR) a le Malo,  Lynn Pulou-Alaimalo, e toa 26 tagata ole U.S Army faaleoleo o loo galulue i totonu o le malo. 

Na ia talanoa ua uma na toe iloilo e le DHR livi faamiliteri, ma molimauina i luga o le tulafono fetarale (federal law) , "5 U.S.Code section 6323" o loo aumai ai aso e 15 i le tausaga mo koleniga, faatinoga o koleniga ma ia faaauau e lea tagata e oo atu i le 15 aso, a'o lei oo i lesi tausaga faatulagaina o sosoo ai. 

Fua lava i taimi faatulagaina o loo iloilo e le DHR, e tusa ma le 100 aso e koleni ai i le Setete, ma ia mautinoa e 15 lava aso livi i lalo o le tulafono a le malo feterale. 

O lesi mea faaopopo, e iai le tulafono feterale, pei o le auaunaga i toniga, ma Aia Tatau e toe Galue ai, poo le Reemployment Rights Act, o ina e puipuia le aia tatau a le tagata Ami Faaleoleo poo le US Army Reservists. 

Ae mo le tagata o loo galue, "active duty" o latou na o loo galulue tumau, e ese mai le vaega ole Ami Faaleoleo, e le'o faigaluega tumau, e tusa ma le ono masina ole tausaga e faigaluega ai, lona uiga e taifaalua i le masina ona feiloa'i mo latou faataitaiga ma toleniga. 

E ese mai le tagata o loo faigaluega , i le faamatalaga ale faatonu o le DHR,  le tulafono faafeterale -5 US code 6323 - e maua ai aso faigaluega e 22 i le kalena faaletausaga mo faalavelave faafuase'i , pei ona poloaia e le Peresetene, Failautusi ole Puipuiga, poo le Kovana. 

I lana faasoa i Senatoa: Ole tulaga lena mo tagata faigaluega o galulue faamiliteri, ma lagolago isi pulega sivili ma le puipuia o soifua ma meatotino, ma le faatinoga o galuega tumau faamiliteri faasaga atu ile fili o le Iunaite Setete, poo le faasaga ise vaega o faafaigaluegaina faamiliteri, pei ona ia faasoa atu i Senatoa. 

Na faailoa atu foi i le Komiti le vaega ole Tulafono U.S.Army Regulation 600-8-10 mo "Livi e agavaa iai" o loo faapea mai i le vaega lena: "O livi e agavaa iai le fitafita  i le kalena 2.5 aso mai le masina e tasi e faatino ai le galuega poo le auaunaga." 

Na ta'u atu e Pulou-Alaimalo i Senatoa, le faatalanoaga o le matupu lea i le va o le DHR ma alii Ofisa o le  U.S Army , i tulaga e lelei ma tulaga e le lelei ai foi livi faa militeri. 

"O a penefiti o  ofo mai e le Livi faamiliteri?" na ia faamatala, "e leai se tupe e totogia faaletausaga a le tagata faigaluega , e leai foi ni tupe leiloa poo le auaunaga."

“Lona lua, o le faatupulaia o aso livi faamiliteri, e   saofaga ai le tagata militeri i toleniga e aunoa ma le lusi o ana benefiti pei ona ta'ua i luga.”

O le pili a le Senate ua faaumiumi atu ai le livi faamiliteri 15 aso o iai nei, i lalo o tulafono a le malo o Amerika Samoa, ASG regulation-o le faigamalo ma ana tulafono le maualuga e 30 aso livi faamiliteri, pei ona saunoa Sen. Malepeai Saite Moliga, o ia lesi o loo lagolagoina le tulafono. 

Ae na faamatala e  Pulou-Alaimalo tulaga e le lelei ai, pei ona ia ta'ua, o livi faamiliteri e le'o aofia ai isi penefiti. Ma o le sili atu i le 15 aso, e ono aafia ai tupe faasoasoa, fua lava i tagata. O loo iai foi polokalame faaleaoaoga, e filifili ai le tagata faigaluega, e talosaga iai, pe afai e talia ni aso faaopopo. Ma ose tasi foi lena o avega mamafa i luga o le matagaluega, o le sailia o se tasi e pulea ma vaavaai tiute o tagata taitoatasi pe'a oo ile taimi o latou livi. 

O le faaumiumi o aso livi faamiliteri, e ono faaoso augata ai foi le matagaluega e talia nisi." 

Ma ia faamanatu i lana faamatalaga o loo iai le tulafono feterale ua iai, "e saogalemua ai galuega mo tagata o le U.S Army Reservists," poo le ami faaleoleo. 

"Mai le tele o toleniga na auai atu iai tagata o le Ami faaleoleo, sa lagolagoina lava e le DHR. Ma o loo tali atu lava ina ia faamautinoa e maua e tagata o le Ami faaleoleo, US Army Reservistis le fesoasoani o latou mana'omia mo toleniga."

Saunoa Pulou-Alaimalo, o lesi ana "sooupu faamiliteri , ei totonu foi o le Ami Faaleoleo, ole 1st Lt. Asora Sunia.  Sa maitauina lana lagolago ma una'ia itu e manuia ai tagata sa galulue ile malo ma le U.S Army Reservists poo le Ami faaleoleo a Amerika. "  Na ia faamanatu i Senatoa, "o tulafono ma aiaiga mo tagata sa galulue ile malo, ma le lagolago e faafaigaluega tagata sa galulue i le Militeri o loo i totonu lava o le HR."

Na aloaia e le Susuga a Malaepule le folasaga a le Faatonu o le DHR, peita'i na ia faamanatu , ua sui le pili 15 aso i le 30 aso mo livi faamiliteri. Na ia ta'ua, ole tulafono faalotoifale, e le'o ta mau ai le siita'i atu oni aso, pe a oo ina valaau le vaega faaleoleo mo le tiute poo ana toleniga faaletausaga. Na ia ta'ua, ole tele o taimi e valaau ai le vaega faaleoleo e le Militeri, e silia ile 30 aso: nisi taimi e 30 aso poo le 90 aso,  Ae o le mea moni lava lena pe'a oo ina valaau mai le vaega faaleoleo , ile faatinoga ose galuega," na ia ta'ua foi, e uma ane le 30 aso o le livi faamiliteri, pei ona aumai e le pili, e mafai e le tagata ona faaoga lona livi faaletausaga poo livi ma'i e kava ai ona aso e sili atu ma le 30. 

E tele Senatoa na faaali o latou silafia ma latou lagolagoina fanau a Amerika Samoa o loo galulue i le militeri, ae o totino o le Senate o iai nei, e to'alima oi latou sa galulue i le militeri. 

O le afioga i le Senatoa ia Magalei Logovii, sa ta'ita'ifono i le faatalanoaga lea 35 minute, ma agia ane ai le mataupu lea i tupe a le malo e faaalu pe'a faaumiumi atu livi faamiliteri mai le 15 aso i le 30.   

Peit'ai na saunoa Malaepule, e le taua tupe, ae o le auaunaga a fanau a Amerika Samoa i le Ami, e iai lona taua. I le faaiuga, na malie ai le komiti e faasee loa le pili, nai lo le faatali i faamaumauga o tupe mai le DHR i le tau e faatulaga ai le siitia i lona tulaga maualuga, 30 aso o le livi faamiliteri.  

E iai vaega o le pili o faamauina ai, o le totogi o livi faamiliteri e le sili atu i le 30 aso faigaluega i le tausaga, tusa lava pe fia le umi o toleniga  ile tausaga. 

Ae ole le auai, poo le absence, e le totogia i lalo o livi faamiliteri ae mafai i lalo o livi faaletausaga. Ma faapena ai mo tagata faigaluega o loo valaau e tiute mo se taimi e sili atu i le 30 aso, e mafai ona tuu i luga o le livi faamiliteri, e mafai ona faaoaga livi faaletausaga mo aso misi faaopopo.