Samoa
This article was added by the user . TheWorldNews is not responsible for the content of the platform.

Tagi i le Fa’amasinoga faasaga i leoleo, sa fa’aoo lima ia Setope Faalata

Pago Pago - AMERIKA SAMOA

I le lua tausaga talu, sa tulai mai ai se mataupu ina ua masalomia le fa’aoo lima o ni leoleo i le alii o Setope Faalata. Ma o lea faalavelave sa tupu i le Maketi i Fagatogo ma ua tula’i mai ai le tagi a Faalata fa’asaga i leoleo nei fa’atasi ai ma tuuaiga fa’asaga i le malo o Amerika Samoa ona o le solia o le aia tatau fa'aletulafono ma fa'avae a lē ua tagi.

O le tagi, na faila i le vaiaso talu ai, o loʻo tuʻuaia ai le malosi tele, teena o fomaʻi tausiga, moliaga sese, ma taumafaiga e ufiufi i le mataupu e aafia ai le le tagi, lea na fai mai loia a le itu tagi na “fasia saua” e leoleo le alii o Faalata i le vavaeo o le aso 09 o Me, 2021.

O leoleo o lo’o fa’ailoa o latou suafa i le tagi a Faalata, faatasi ai ma ni tuuaiga faapitoa faasaga ia i latou o: leoleo kapiteni Margie Alofaituli  ma leoleo ia Faau Levi, Elleryquinn Histake, Dustin Maiava, Vern Montgomery ma Togia. (Leai se igoa muamua o Togia na taʻua i le tagi.)

O lo o taua i le tagi e faapea, o le aso 9 o Me, 2021, na fasi ai Faalata e leoleo a’o loka lima i le Maketi i Fagatogo. O leoleo na aafia o lo o tuuaia na faaauau pea ona faaoolima ia Faalata e oo lava ina ua uma ua pa'u i lalo ua le iloa se mea. Ma sa i ai isi tagata i le maketi na molimau ina lenei fa’aoolima.

O loo ta‘ua i le tagi e faapea, sa faafia ona talosagaina e Faalata se togafitiga faafomai ae na te'ena se'ia o'o ina ave o ia i le Toese i Tafuna, ae na tetee e leoleo o le toese lona ulufale ona o ona manu'a. 

Sa iu ina ave Faalata i le falema’i, ma o lo’o fa’ailoa i le tagi manu’a ia Faalata e aofia ai le gau o le auvae ma nifo, ma le leaga tele o mata. E le gata i le faaoolima ma le faafitia o tausiga fa'afoma'i, ua tu'ua'ia leoleo i le fa'aseseina o lipoti ma le faia o ni moliaga pepelo faasaga ia Faalata e ufiufi ai a latou gaioiga.

O lea mataupu e aofia ai le tele o tagi fa’asaga i le malo Amerika Samoa  faapea foi ma leoleo taitasi na aafia i lea faalavelave faatasi ai ma le aofaiga atoa o le tagi faasaga i le malo o Amerika Samoa, faaopoopo tupe faaalu faafomai.

O Faalata o lo’o aumau i Amerika i le taimi nei ma o ana loia o Sean Morrison, Keving Kornegay, ma le ofisa Loia a Chad Jones.