Samoa
This article was added by the user . TheWorldNews is not responsible for the content of the platform.

Toe maua le pagota na sola mai tua o le toese i Tafuna

Ads by Google Ads by Google

Pago Pago - AMERIKA SAMOA

E ui i le maualuga o puipui o le pa ‘sima’, ae na toe vaaia foi e le Falepuipui i Tafuna i le aoauli o le Aso Tofi o le vaiaso ua te’a le sola ese o se pagota; ma, o lenei solaaga lata mai ua toe taʻitaʻia ai le tele o tagata o le lotoifale na valaau mo se toe faaleleia o le falepuipui e taofi ai isi pagota e sosola i tua.

Na taua e Pou Launiu lea sa naunau e faailoa lona igoa i le Samoa News, o le tulaga lea ua masani ai le sosola ese o pagota mai le toese, o nisi o lo o vaaia i faleoloa o lo o faatau ai le “ava malosi” ma e le o logoina foi le atunuu pe a sosola ese mai le toese nei pagota. 

E tele taumafaiga a le Samoa News e maua mai ai ni finagalo mai le Faatonusili o le Matagaluega o Falepuipui ia Tauanuu Semu Faisiota Taunuu, ae e le’i manuia.

Na fa’afesoota’i fo’i e le Samoa News le pule sili o le aufaigaluega ia Loa Tauapa’i Laupola, i le Ofisa o le Kovana, mo ni fa’amatalaga e ala i imeli, atoa ai ma se gaioiga o le a faia e le pulega i lenei fa’afitauli o lo o tula’i mai.

E pei ona lipotia e le Samoa News, o le pagota na sola mai le toese i le Aso Tofi na te’a nei, sa toe pu’e fa’apagota e Leoleo i Aua, ina ua maua ni fesoasoani mai tagata o le vaega lea na latou iloa atu ai le ali’i pagota.

A o le amataga o le masina nei na toe molia ai Joeita Fa’aaliga ma Joseph Iakopo ma o lo o molia nei i le sola ese mai le TCF ma talepe pisinisi i Tafuna Industrial Park ma Nu’uuli.

O le aso 25 o Ianuari na molia ai Fa’aaliga ma Iakopo i le sosola ese mai i le toese, ma o le aso 9 Fepuari na tula’i ai i laua i luma o le fa’amasinoga maualuga.