Samoa
This article was added by the user . TheWorldNews is not responsible for the content of the platform.

Tofiga fou a le Kovana Sili, totino o le Komiti Faafoe a le LBJ

Ads by Google Ads by Google

Pago Pago - AMERIKA SAMOA

Ua filifilia e le afioga i le kovana ia Lemanu P.  S. Mauga ia Dr. Patrick P. Pedro e avea ma totino i le Komiti Fa’afoe o le LBJ Medical Center, e sui tulaga i le sui o le komiti fa’afoe ia Malouamaua Dr. P. Tuiolosega, lea na mae’a lana nofoaiga i le aso 2 Mati, 2023, e pei ona taua e le ali’i kovana ia Mati. 28 tusi filifilia i le Peresetene o le Senate ia Tuaolo Manaia Fruean.

O le filifiliga a le kovana mo Pedro ua faamoemoe e faalauiloa i luma o le Senate i aso o lumanai. E le gata i lea, o le tofia o Dr. Pedro e amata “vave” ma e muta lona taimi ia Mati 02, 2027.

Na faamanino e le alii kovana i lana tusi filifilia e faapea, o Dr. Pedro na faauu mai le Kolisi Tu’ufa’atasi a Amerika Samoa i le tausaga e 1988, ma na ia fa’amae’a ana ulua’i tausaga e tolu o a’oa’oga fa’afoma’i tulagalua e ala i le Pacific Basin Medical Officer Training Program, a’o le’i a’oga i Fiti School of Medicine lea na ia faauu mai ai. 

Na fa'auma e Dr. Pedro se Polokalama a le Iunivesite o Hawaii Surgical Residency i Hawaii i le 2008. Sa galue Dr.Pedro o se Junior Surgeon General mo le LBJ Tropical Medical Center i le amataga o lana galuega. Talu mai le 2011 sa galue ai i le Acute Care Surgery i le falema’i o le Queens Medical Center i Honolulu.

“O le tele o ana aoaoga faafomai ma lona tomai, o le a avea ai o ia ma sui tulaga ese o lenei Komiti Faafoe,” o le tusi lea a le alii kovana ia Tuaolo ma ia uunaia ai le Senate mo le faamaoniga a Dr. Pedro i le komiti faafoe.

E pei ona lipotia muamua e le Samoa News, na muamua filifilia e le alii kovana ia Dr. Victor Terenuku Tofaeono e suitulaga ia Dr. Tuiolosega - o le taitaifono o le Komiti Faafoe o le LBJ i le taimi nei - ae mulimuli ane toe soloia e Lemanu lea filifiliga. E oo mai i le taimi nei, e le’i maua mai lava se fa’amatalaga aloaia mai le Ofisa o le Kovana e fa’atatau i le fa’aiuga e soloia ai le filifilia o Dr. Tofaeono