Samoa
This article was added by the user . TheWorldNews is not responsible for the content of the platform.

Tu’ua’iga fa’ao’olima, fa’alogoina e se fafine lona to’alua i luga o le telefoni ma se isi fafine

Pago Pago - AMERIKA SAMOA

Na faafesootai e se tamaitai le ofisa o leoleo i Fagatogo i le aso 5 Iuni 2023 i le itula e 4:30 i le afiafi. Fai mai o lona toalua o Tuiala Tuiala, na faaoolima ia te ia i le aoauli o Iuni 3, 2023.

Na taunu’u Leoleo i le nofoaga i Satala pe tusa o le itula e 4:42 i le afiafi. ma matauina ai se tama’ita’i o si’i lana tama ma savali i luga o le auala. 

Na valaau atu leoleo ia te ia, ma faailoa mai le tamaitai na valaau atu i leoleo, ma mafai ai ona faatalanoa o ia e tusa ai o le faalavelave. Na taua e le tama’ita’i e fa’apea, i le aso 3 Iuni 2023 pe tusa o le itula e 3 i le afiafi, sa ulaula ai lona to’alua o Tuiala ma inu pia i totonu o le umukuka o le latou fale.

Na te le’i ano i ai seia oo ina alu i fafo ma faia lana telefoni, ae na pau lava le mea na ia faalogoina o le muimui o ia i luga o le telefoni. Ona ia alu atu lea ia te ia i fafo o le latou fale e uiga i telefoni, ma a o ia savali atu ia te ia, sa ia faalogoina lona toalua o fai atu "pepe" faalua i le tagata o loo talanoa i le telefoni.

Sa taua e le fafine i leoleo e fa’apea, o le taimi lena na ia tago atu ai i lana telefoni ma fai i le tagata o lo o i luga o le telefoni o loo talanoa ma lona toalua e aua nei toe vili i lona to’alua ae tape le tagata i le isi itu o le telefoni. Fai mai a ia, o le taimi lea na taumafai ai lona toalua e toe aumai lana telefoni ma pa’u ai le telefoni ma faaleagaina.

Ona ia po lea o ia i le taui ma sui ma ita ai, liliu i tua ma amata ona tu’i o ia—faalua lona ulu, ma tafetotoi ai lona isu ma manu’a lona mata agavale. Fai mai o ia na pau foi ma toetoe a matapogia.

Mulimuli ane, na amata ona faia e lana tane ni leo lē talafeagai ma palauvale. I le mae’a ai o le vevesi, na amata ai loa ona teu e Tuiala ana mea totino ma ua alu ese atu mo le tolu aso ma e le’i toe fo’i i lona aiga.

Faaalia e leoleo e faapea, na ta‘ua e le faletua e lua masina o lona ma‘itaga ma o Tuiala na matuā onā ma aafia i le mariuana. Na taua e le tama’ita’i na a’afia e fa’apea, na te le’i fa’afesoota’i muamua leoleo, ona o lo o alofa pea i lona to’alua, ma sa fa’amoemoe o le a toe fo’i o ia i lona aiga ma fa’atoese i mea uma na tula’i mai, ae na te le’i faia.

Sa taua e le fafine i Leoleo e fa’apea, o tala i le fale faigaluega a lona to’alua o lo o taua ai e faapea, sa moe o ia i le fale o le tagata sa la talanoa i ai i luga o le telefoni i le aso na faaoolima ai o ia.

E le gata i lea, o lo o taua fo’i e le tama’ita’i na a’afia, sa ia alu atu i lona to’alua i le galuega i le aso 5 Iuni, 2023 e fa’ailoa i ai, o lo o ma’i le la tama, ma sa ia mana’omia lana fesoasoani, peita’i sa musu o ia ma savali ese.

Na piki atu e leoleo Tuiala ma ina ua taunuu i le ofisa o leoleo i Fagatogo i le itula e 5:30 i le afiafi ma mulimuli ane momoli i le TCF e fa'atali ai le isi fonotaga a le Fa'amasinoga Fa'aitumalo ia Iuni 6, 2023.

E 2 moliaga faasolitulafono o loo molia ai o ia – tasi le moliaga o le faatupu vevesi i nofoaga faitele ma le moliaga o le faaoolima i le

tulaga tolu.